客家好棧 (已結業)

周末同家人饮茶，唔太清楚附近边间酒楼好食，就拣咗呢间客家好栈。而家越嚟越少酒楼有酥炸鱿鱼须食。呢度炸粉够薄，大大条鱿鱼须香脆好味道，好满足😛。抄手份量多够惹味，好快俾人清晒。三色肠皮薄料足，口味够晒滑。杏仁糊够晒浓又唔太甜，令人一口接一口。蔬菜金菇炆伊面有好多蔬菜，算系粉面入面嘅健康之选。唯独系虾饺差少少，有口感，冇鲜味☹️。价钱方面都算经济，星期六中午五个人食咗$400左右，仲有得打包👍🏻👍🏻👍🏻。