山城小麵 (德福廣場2期)

营业中

休息中

今日黎九龙湾德福行街，去左foodeli食lunch，foodeli系一间food court，入面有唔同食店，环境唔错，地方几干净，坐位摆得几梳，冷气够凉。但系食物方面，今次食呢间山城小面就唔多掂，今次叫了秘制排骨面转薯粉套餐套餐跟一个小食，拣了蒜泥白肉，跟一包饮品维他柠檬茶。秘制排骨面薯粉我拣了中辣，成碗布满红油，睇落就重口味，但系食落只有呛喉，不辣不麻不香，汤底淡如水无咸味，因为多辣椒碎，一淡汤饮落又成口辣椒碎，辣椒碎仲要有d苦味，薯粉又系无味同滚水渌完就入口无分别，排骨味道一般同平时食果啲卤排骨差不多，不过呢度四件排骨，四件都系中间一大条骨，骨多肉少，如果无加多个蒜泥白肉，根本唔够饱。蒜泥白肉因为个底有少少酱油，所以好过个面，都仲有少少咸味，不过同样地，辣椒油不香不麻不辣，同其他地方比呢度的蒜泥白肉算差。性价比低成个餐69蚊，虽然预左商场舖系贵啲，但单就食物份量同味道同其他街舖米线比较，呢间性价比算低，味道亦差。