百利來美食 (已結業)

我已經幫襯左百利來好多年，由佢哋喺尖沙咀，直到不停係元朗尋覓唔同嘅落腳點，終於佢哋都搵到舖位長做，作為忠粉嘅我知道之後真係好興奮！今晚喺麥花臣睇完演唱會之後，突然又好想食炸燒賣、花膠翅、同埋好掛住呀靚啲果汁，所以就忍唔住夜晚10點半都仲特登搭巴士入元朗會一會佢。作為fans，當然每次嚟到一定有必嗌既order list啦！1. 炸燒賣、炸墨魚丸佢嘅炸燒賣外脆內軟，同出面坊間好唔同，食過坊間好多都炸到死實🌚但呢間既出品，再配上佢哋秘製辣醬（由老闆娘親自每日新鮮製造，裏面有辣菜譜、炒香嘅蝦米同魚仔)，真係好食到不得了，暫時將減肥呢樣野忘記左佢先啦2. 花膠濃湯雞絲翅呢個價錢出面食嘅碗仔翅一定冇咁足料，食得出佢哋係用新鮮雞去煲個湯花膠份量都多，當然翅係用素翅啦，真係好好味呀！3. 蒜香炸豆腐再來一客熱氣野，自己本身好鍾意食豆類製品，豆腐炸得外脆內軟，雖然每次食完都要冒着成口蒜蓉味嘅危險，但都一定要order4. 麻辣青瓜雞絲冷麵食咗咁多熱氣野，梗係要嗌下其他飽肚野啦，冷麵辣得好過癮，雞絲同青瓜各有唔同口感，配合得非常之好最後不得不介紹佢嘅果汁，每次都有驚喜。其實今次我同男朋友飲咗三支唔同嘅果