百利來美食 (已結業)

我已经帮衬左百利来好多年，由佢哋喺尖沙咀，直到不停系元朗寻觅唔同嘅落脚点，终于佢哋都揾到舖位长做，作为忠粉嘅我知道之后真系好兴奋！今晚喺麦花臣睇完演唱会之后，突然又好想食炸烧卖、花胶翅、同埋好挂住呀靓啲果汁，所以就忍唔住夜晚10点半都仲特登搭巴士入元朗会一会佢。作为fans，当然每次嚟到一定有必嗌既order list啦！1. 炸烧卖、炸墨鱼丸佢嘅炸烧卖外脆内软，同出面坊间好唔同，食过坊间好多都炸到死实🌚但呢间既出品，再配上佢哋秘制辣酱（由老板娘亲自每日新鲜制造，里面有辣菜谱、炒香嘅虾米同鱼仔)，真系好食到不得了，暂时将减肥呢样野忘记左佢先啦2. 花胶浓汤鸡丝翅呢个价钱出面食嘅碗仔翅一定冇咁足料，食得出佢哋系用新鲜鸡去煲个汤花胶份量都多，当然翅系用素翅啦，真系好好味呀！3. 蒜香炸豆腐再来一客热气野，自己本身好钟意食豆类制品，豆腐炸得外脆内软，虽然每次食完都要冒着成口蒜蓉味嘅危险，但都一定要order4. 麻辣青瓜鸡丝冷面食咗咁多热气野，梗系要嗌下其他饱肚野啦，冷面辣得好过瘾，鸡丝同青瓜各有唔同口感，配合得非常之好最后不得不介绍佢嘅果汁，每次都有惊喜。其实今次我同男朋友饮咗三支唔同嘅果