Peek-A-Poke (heath慶方)

营业中

休息中

成日出街食，偶尔都想揾餐健康啲嘅调剂下。听朋友介绍有间位于尖沙咀嘅餐厅，特别多superfood同新鲜食材，仲系唔少健身同减肥人士嘅好去处。入到去餐厅环境俾人一种好热情活泼嘅感觉，就同餐牌上嘅选项一样清新，成件事好和谐。以自助落单形式，客人可以按个人喜好拣选配料，制作最合心意又营养丰富嘅Poke bowl，今次分别拣咗两份主食同小食～加州风味一大碗色彩缤纷，上台已经令人食欲大增：红色肥美三文鱼、橙色新鲜鱼子、黄色满满蛋丝、青绿色爽脆青瓜，配搭点点黑芝麻，捞埋芝麻酱，口味好融合。自选慢煮鸡胸今次就拣咗海带芽、豆腐、香菇做配料，每一样嘅份量都好多，食得相当满足。豆腐先用酱汁调配过，唔清淡仲好滑；海带牙爽得来有嚼头，香菇都有淡淡嘅调味带出香气；重点主角鸡胸，肉质好细嫩，成件事系健康轻盈嘅感觉。小食友人忍唔住见到杂物就想叫两份，分别拣咗炸薯虾同芝士条。前者坊间好少见，外面一圈圈薯仔丝包住入面弹牙嘅虾肉；后者外脆内软满满拉丝感，重点系制作新鲜脆完全唔油腻，值得一试。