大丸ラーメン

营业中

休息中

呢间餐厅人气爆灯，最深印象系疫情禁堂食果排，都可以有劲长龙条队等买外卖。本身想试贝丸，可惜是日售罄。虾丸粗面 $98卖相好靓，劲多樱花虾劲震憾。啖汤好香浓，充满住樱花虾味。块叉烧比普通嘅日本叉烧好食，薄身成4 - 5 块， 大块嘅，我加埋枱面上嘅蒜泥食，即刻变埋蒜泥白肉咁，仲好食！另系只溏心蛋，比普通嘅深色，好有蛋香同好滑。另外，将面条同木耳丝一齐食，提升埋个口感，加上面条挂埋啖啖汤汁，完美。餐厅好贴心咁预备埋昆布醋，可以沟落d汤到，等你饮埋d汤，因为餐厅主打无味精架！辛丸幼面 $88叫咗中辣，味道啱啱好。汤底系猪骨汤底，好香浓，味道其实似出前一丁猪骨味，不过再次强调返，佢系无味精但做到出前一丁效果㖞！原味饺子 （山椒及饺子汁）$35五只饺子一上枱痴埋，但你食一旧又唔会好难撕开㖞。想讲佢连系饺子皮都好食！表面煎到金黄色，食落去成块薯片咁，有埋肉汁味，劲香口。佢唔算多饀，但做到恰如其分。就算唔系点汁都已经好好食。