Neko Puff (已結業)

早几日去咗屯门，经过市中心见到一间Neko Puff 系世界赛冠军得奖拿破仑，大部分食材均由法国直送，1小时预订，即叫即焗嘅。见到非常之吸引，即刻买咗个嚟试下。🎂3.6牛乳炖蛋白拿破仑 $328我自己好钟意食鲜奶炖蛋白，所以拣咗呢只味。用3.6牛乳炖出嚟嘅蛋白系特别细致，奶味特别香浓。拿破仑嘅酥皮都非常松脆，仲有好香嘅牛油香味。每食一啖都充满层次感，果然系冠军得奖👏👏～～～～～～～～～～～～～～～～～～除左拿破仑，佢地嘅件装蛋糕造型都同样吸引，我都买咗几个嚟试下。🍰芒果焦糖蛋糕 $42芒果清甜唔酸，香浓嘅焦糖味道更能突显芒果嘅清香。蛋糕口感非常顺滑，甜度亦啱啱好。🍰黑加仑子软芝士饼 $42黑加仑子配上软芝士可以将黑加仑子嘅酸味降低，两者结合嘅酸甜味道好夹。🍰红莓希腊乳酪朱古力蛋糕 $46乳酪慕丝幼滑，配埋浓而不腻嘅朱古力夹层，充满浪漫嘅情怀，造型不失高贵。🍰伯爵茶炖蛋蛋糕 $42伯爵茶味香浓，炖蛋蛋糕口感顺滑，甜度啱啱好。