相馬日式火鍋 (已結業)

订咗枱系火炭呢间相马食放题，4个人食任食大闸蟹海鲜火锅放题，蒸锅系食龙虾嘅，超正呀！龙虾大大只，肉又甜又弹牙，用蒜蓉蒸嘅有好香蒜蓉味。呢度仲有其他嘢都好好味🤤今日真系大食特食。🦀首先系任食大闸蟹先，当造期间大闸蟹蟹膏特别多，又鲜又甜，蟹肉虽然唔多，但系都好好味。火锅放题嘅汤底系胡椒花胶鸡汤，有胡椒喺入边饮落去好暖胃，而且花胶鸡汤养颜又滋补，非常足料就咁饮都好好味，用嚟打边炉啲肉更加鲜甜，牛肉🐂鸡肉🐓猪肉🐖，呢啲基本肉一定有，每一款都新鲜，牛肉同猪肉甘香松化，鸡肉非常滑好鲜甜。🦑呢个一次性极上蒸海鲜锅有劲多海鲜，同龙虾一样系用蒜蓉蒸嘅，日本带子，灰蚬，螺，小蛏子，蟹棒，大头虾，水鱿和鲍鱼，铺满成个锅，见到就好吸引，一路蒸香味一路飘出嚟！🐔仲有佢哋嘅单骨鸡翼，好方便食又好好味，有几种唔同口味，原味，香辣味，烧烤味，蜜糖味，海苔味，咖喱味，真系地表最强嘅单骨鸡翼。