醉潮館

营业中

休息中

今次呢间餐厅真系要大赞，呢度每一款小菜都做得劲出色，食得出每一碟𩠌都有用心去煮，而家价钱仲要唔贵，绝对系潮洲菜/中菜嘅世一，今日食呢4个菜我都觉得系必点。🧇传统鸭蛋煎蚝烙 $88超足料劲多蚝仔，而家仲要系够肥美嘅，蚝饼炸得劲香脆，鸭蛋味都好香，蚝饼最中间嘅位置蛋香味更加浓郁。🐥红烧笼中乳鸽 $68水准高到我觉得自己食紧乳鸽专门店，只乳鸽皮系脆到咬落去会有声，而且仲好juicy超多肉汁，乳鸽又够大只啖啖肉正。🧆蜜桃咕噜肉 $88咕噜肉唔会太肥太瘦岩岩好，咕噜汁都一样岩岩好包住肉就够，酸酸甜甜等黎又唔会太酸，而且用上蜜桃比起平时菠萝更夹。🥩蜜椒脆薯牛仔粒$128好有镬气上菜热辣辣，蜜糖同黑椒嘅味好出，牛仔粒唔会韧，最特别系用炸薯粒，劲香脆又吸收晒其他食材嘅香味。