影片
更多
2024-05-07
3588 浏览
有冇人同我一样系中菜爱好者 仲要系超级钟意饮中式汤个种🙋🏻♀️🙋🏻♂️之前喺OpenRice见到有人介绍爵士汤🥣好似好浓好足料 即刻忍唔住约朋友一齐去试一试😋🥢🥢招牌爵士汤🫶🏻 5/5🌟超级鲜甜足料嘅爵士汤材料非常丰富 有鸡，花胶，瑶柱，螺头，哈密瓜🍈，金华火腿🍖等等嘅材料有咁多材料煲出嚟嘅汤当然系好浓厚，唔同一般餐厅嘅炖汤或者系清汤 饮得出所有食材嘅精华都去晒碗汤度 直头觉得饮完有家嘅感觉🙂↔️🫶🏻份量亦都非常之多 一行六人每人都分到两碗之余仲有剩 而且汤渣螺头同花胶亦都冇失色 非常推介俾钟意饮汤嘅你👍🏻🉐🉐🉐🥢锅贴虾 4/5🌟钟意香口食物嘅你一定要试呀😋咬落多士超松脆有ASMR效果 新鲜鲜虾肉亦非常之爽滑弹牙 完全系味觉享受啊🙂↔️🥢百花炸蟹钳 3.5/5🌟同样都系炸物 但系就冇虾多士食落咁有惊喜 好似同一般酒楼食到嘅冇咩分别 但系份量都好足 食落都冇任何雪味所以都值3.5分嘅😚🥢豉汁蟠龙鳝 4.5/5🌟肥美鲜甜 系我除咗爵士汤之外最钟意嘅菜式😋💕 火候同埋酱汁都控制得啱啱好 唔会蒸过龙令到啲鳝肉变老 酱汁亦都冇盖过本身鳝嘅鲜味 鳝肉厚亦都非常之嫩滑 鱼皮带胶质 食落难免有少少滞所
🥢招牌爵士汤🫶🏻 5/5🌟
超级鲜甜足料嘅爵士汤材料非常丰富 有鸡，花胶，瑶柱，螺头，哈密瓜🍈，金华火腿🍖等等嘅材料
有咁多材料煲出嚟嘅汤当然系好浓厚，唔同一般餐厅嘅炖汤或者系清汤 饮得出所有食材嘅精华都去晒碗汤度 直头觉得饮完有家嘅感觉🙂↔️🫶🏻份量亦都非常之多 一行六人每人都分到两碗之余仲有剩 而且汤渣螺头同花胶亦都冇失色 非常推介俾钟意饮汤嘅你👍🏻🉐🉐🉐
🥢锅贴虾 4/5🌟
钟意香口食物嘅你一定要试呀😋咬落多士超松脆有ASMR效果 新鲜鲜虾肉亦非常之爽滑弹牙 完全系味觉享受啊🙂↔️
🥢百花炸蟹钳 3.5/5🌟
同样都系炸物 但系就冇虾多士食落咁有惊喜 好似同一般酒楼食到嘅冇咩分别 但系份量都好足 食落都冇任何雪味所以都值3.5分嘅😚
🥢豉汁蟠龙鳝 4.5/5🌟
肥美鲜甜 系我除咗爵士汤之外最钟意嘅菜式😋💕 火候同埋酱汁都控制得啱啱好 唔会蒸过龙令到啲鳝肉变老 酱汁亦都冇盖过本身鳝嘅鲜味 鳝肉厚亦都非常之嫩滑 鱼皮带胶质 食落难免有少少滞所以扣咗0.5分啦 整体嚟讲都系十分之推介👍🏻🉐🉐🉐
🥢烟熏太爷鸡 4.5/5🌟
一上枱已经闻到好香嘅阵阵烟熏味🙂↔️食落鸡肉都好嫩滑 胡须佬上菜嘅份量亦都非常之多 所以只鸡当晚根本系食唔晒 唔做大嘥鬼嘅我当然系打包拎返屋企🤪 就算隔咗一日食就咁放入微波炉叮翻热嚟食 一打开依然烟熏香味十足 鸡肉亦都冇因为返热而变柴 完全系出乎意料嘅高水准👍🏻🉐🉐🉐
🥢奶油津白 4/5🌟
一般出街嗌碟菜都系非常之贵 所以我通常都系只会选择虾酱/ 腐乳炒通菜 或者系奶油津白好似要花少少功夫整出嚟嘅𩠌 咁样先对得住个价钱㗎嘛😌 呢一碟奶油津白完全嗍晒上汤嘅汁 非常惹味 应该系唯一一碟𩠌上枱之后最快清碟 除咗味道之外 果然大家都好注重健康㖞😝 要食多啲菜啊～
题外话 除咗食物之外喺胡须佬呢度食饭会有一个好搞笑嘅环节🥳 餐馆会突然间播放香港小姐最经典嘅配乐 然后老板拎住酒杯出嚟逐一向每一台客人打招呼 场面非常搞笑将全场气氛推到最高🤪 老板仲会关心菜式啱唔啱客人口味 亦都好乐意同每一台客人打卡影相 睇嚟除咗食物好味之外 老板亲切嘅态度 亦都系呢间餐馆吸引人嘅地方☺️ 希望下次再可以约埋朋友试其他菜式 好似花胶仔炒饭 冰镇咕噜肉等等嘅都好想试😋
另外自己带蛋糕去餐厅食都系免切饼费㗎 系一个好好嘅地方同朋友庆祝生日☺️
自费🙂↔️ 全单$2800 每人大约$466💰
张贴
