漢發麵家 (大南街)

营业中

休息中

深水埗有两间出名嘅猪膶面，一间系好浓姜味，猪膶质感偏粉，一间就系汤头比较平衡，猪膶质地超嫩滑嘅，汉发就系后者。每次周末黎都好多人排队，今次专登早啲黎，十一点几就到，咁啱天气唔系咁好，落住微雨，净系等一张台就到我哋。我哋二话不说嗌左一个猪膶猪扒面同西多士。两样都系世一！佢哋嘅猪膶真系非常犀利，厚厚一块，但煮到刚刚好，超级嫩，爽口弹牙，仲要系完全无血水。个西多士圆碌碌胀卜卜，唔止个样同其他西多士唔同，原来都真系内有干坤㗎。切开个西多士发现，佢系有一层厚厚嘅蛋包住个多士，里便嘅花生酱，亦都系搽到厚厚一层，食落个口感好蓬松，真系第一次食咁样嘅西多士，好特别，而且好好味，真系喺第二度揾唔到。