影片
更多
2011-03-12
67 浏览
早几日有位前辈拎咗盒蛋挞上嚟公司探我老板，本来一人分一个，有人话On Diet唔肯吔，由于我最迟行埋嚟咁做细嘅通常都要执手尾，要硬啃两件心谂呢个礼拜又要行山消耗返喇！心灰灰之际点知前辈一开盒就未见挞先闻其味，好香呀~~ 一拿上手有无搞错层酥皮仲暖嘅？原来热嘅系入便啲蛋好明显系等到新鲜出炉至外卖，真系好食到难以形容，依位老前辈真系有我哋心呀！最后梗系好满足咁执手尾食埋𠮶个啦！临清理时上前问问前辈原来新华呢间嘢喺兴华街𠮶便青山道咁「近」唔怪得盒蛋挞可以以最佳状态见人啦！超赞！ 长沙湾区工作咁多年中午跟班同事唔系食大排档就系啲垃垃圾圾嘅云南米线，贪平贪就脚就系佢哋嘅饮食态度，同我依啲钟意周围走嘅后生细仔取向完全相反，虽然系深水埗区，但好食起上嚟5-60蚊一餐晏我都肯济架！而且仲要系食到一坐低就俾人认得「见样就落单」𠮶只，「焗意粉呀吗？」系呀系呀系呀....「冻柠蜜小冰架啦！」系呀唔该唔该，几方便呀！今日偶然过荔枝角做嘢行梗返公司之际，途经新华茶餐厅门口见到盘蛋挞新鲜出炉.....其实系唔觉意闻到香味之后至转头望到，咁情况整定我要入去帮衬吓佢啦！本来后生细仔(又题)嘅我见到呢类阁楼式被视为老
由于我最迟行埋嚟咁做细嘅通常都要执手尾，要硬啃两件心谂呢个礼拜又要行山消耗返喇！
心灰灰之际点知前辈一开盒就未见挞先闻其味，好香呀~~ 一拿上手有无搞错层酥皮仲暖嘅？
原来热嘅系入便啲蛋好明显系等到新鲜出炉至外卖，真系好食到难以形容，依位老前辈真系
有我哋心呀！最后梗系好满足咁执手尾食埋𠮶个啦！临清理时上前问问前辈原来新华呢间嘢
喺兴华街𠮶便青山道咁「近」唔怪得盒蛋挞可以以最佳状态见人啦！超赞！
长沙湾区工作咁多年中午跟班同事唔系食大排档就系啲垃垃圾圾嘅云南米线，贪平贪就脚
就系佢哋嘅饮食态度，同我依啲钟意周围走嘅后生细仔取向完全相反，虽然系深水埗区，
但好食起上嚟5-60蚊一餐晏我都肯济架！而且仲要系食到一坐低就俾人认得「见样就落单」
𠮶只，「焗意粉呀吗？」系呀系呀系呀....「冻柠蜜小冰架啦！」系呀唔该唔该，几方便呀！
今日偶然过荔枝角做嘢行梗返公司之际，途经新华茶餐厅门口见到盘蛋挞新鲜出炉.....其实系
唔觉意闻到香味之后至转头望到，咁情况整定我要入去帮衬吓佢啦！本来后生细仔(又题)
嘅我见到呢类阁楼式被视为老饼至去嘅老牌茶餐厅，系一定唔会帮衬嘅，而且本身对𠮶啲乜嘢
快餐常餐午餐来来去去咪又系食𠮶啲嘢！跟住我就学麦兜咁叫咗个快餐同常餐差唔多嘅特餐
特餐系"沙嗲牛肉面"配"火腿奄列同牛油餐饱"加"蛋挞"，蛋挞先上梗系拿拿临「翻挞」回味吓
(呢期娱乐界都兴翻挞~~)！点不知唔热禾....而且冻嘅添，明明见佢成盘新鲜出炉....不过唔紧要
个脑一便谂都唔够把口快个蛋挞都食得七七八八，唔通家吓至叫人换咁贱精咩？况且原来冻咗
嘅酥皮入口依然松化，冻嘅蛋质依然系「卖飞佛」，似乎又令我体验到另一种食法。牛油餐饱
牛油份量唔算多但食得出牛油香味(注：如果之前食过浓味食物记得饮啖茶至食个饱会更完美)
，唔似得有啲餐厅将餐饱整到菠萝油王子咁款就諠宾夺主喇！火腿奄列cut 四份一夹入个餐饱
，让淡淡嘅蛋汁与饱融为一体特别可口，要注意嘅系佢叫火腿奄列即系火腿夹喺两层既薄且滑
嘅蛋身入面(唔系D快餐店火腿摆面就算...)，啲火腿仲要一丝丝咁可以拆开逐条品尝，其余部份
我就将佢捞落沙嗲牛肉面整热嚟食。沙嗲汁轻辣少少咸无抢到面本身嘅味道.....面本身可能根本
无味道，食嘅系爽口弹牙质感同埋牛肉本身混和沙嗲汤底嘅味道，汤底浓得嚟无𠮶啲重重嘅咸
味而且食完个饱滩一滩温度啱啱好易入口，无错食物嘅温度对入口嘅质素系有好大分别o架！
你总唔想食完一餐好好嘅之后个口烫到损哂嚟俾「赞」啩？真系要「赞」嘅一个就够！亦相信
嚟梗呢半年都会当呢道系首选嘅「饭堂」架喇！(唔驶陪班同事食垃圾嘅话)
今日我都为咗毒害公司班同事特登外买咗一盒热辣辣酥皮蛋挞返嚟请大家食(出公数嘅)，希望
日后受我感染多啲陪我试埋佢其他嘅食品啦！
(抱歉未能提供美食靓相~~)
张贴