合十 (已結業)

合十收工谂住同同事食饭，于是揾间喺公司附近嘅餐厅食，朋友介绍我食呢间，但系我之前未食过，所以就决定嚟试吓。一去到间餐厅实在令我太惊讶，因为原先以为剩系得门口𠮶几张枱，点知原来入到去之后简直系世外桃源，劲有泰国风嘅一间餐厅，不过要提一提大家，因为始终系outdoor, 所以冇冷气㗎，不过大家放心，因为每张枱之间几乎都有一把大风扇，食嘅时候都唔会觉得太热！60度温泉蛋卡邦尼意粉身为芝士迷嘅我，表示对呢碟意粉非常满意，因为面头布满全部芝士粉，配上蛋汁，散布喺每条意粉上，简直冇得顶呀！巨型猪扒跟薯菜以为个名有咩咁特别，点知原来真系超级巨型，而且均匀煎晒两面，油脂分布亦都好均匀，仲要配上自家制嘅酱汁，食到我哋舔舔脷！香叶烟肉黄金蚝炸到超松脆，而且估唔到烟肉会同蚝咁夹，呢个小食一流，配上啤酒，简直不得了！