湖越

营业中

休息中

湖越位于大尾笃，除咗想试佢哋嘅食物之外，最大原因系我好钟意呢个地方。唔单止远离尘嚣，而且望住个风景优美，车泊餐厅门口十分方便～估唔到食物方面都有惊喜，几款越南菜都好好味！今次叫左炸蚝饼、咖哩炒大蚬、炸虾春卷同越南火车头河粉。首先，我要讲下炸蚝饼。呢道菜留系我心入面有好深嘅印象。蚝饼外脆内软，蚝嘅鲜味同饼嘅香脆完美配合，令人食到欲罢不能😋然后系咖哩炒大蚬。呢道菜有好浓嘅咖哩香气，大蚬嘅鲜甜同埋咖哩嘅香辣味道相互融合，好好味而且令人回味无穷。大蚬大大只新鲜弹牙，每一口都有淡淡嘅海水味😍炸虾春卷都好出色。外皮酥脆，里面包住咗鲜嫩多汁嘅虾肉同蔬菜。沾住特制嘅甜辣酱食，味道更加好食。有啲菜好fresh吸返啲油，食落去唔会觉得好腻，非常开胃。最后就系越南火车头河粉。呢道菜系一道经典嘅越南菜，湖越餐厅嘅版本绝对唔会令你失望。汤底熬得非常入味够香浓，配料都好丰富。柔软嘅河粉配埋新鲜嘅虾肉、猪肉同香菇，够晒大碗几个人都够食，适合钟意越南菜嘅人。总括嚟讲，湖越餐厅唔单止环境靓，食物质量都高，几款小菜都做得好好，而且仲系pets friendly ，如果有养宠物仲可以带埋狗仔嚟散下步。下次一家大细周末冇节目