影片
更多
2019-06-03
58 浏览
返工𠮶度嘅师傅为咗庆祝完成咗单project 就话要带我去一间高质餐厅食餐好嘅 我去到铜锣湾先知道原来就系鼎鼎大名嘅日喜楼！日喜楼系一间中高价嘅中式餐馆 不论系点心 一般小炒 甚至系川菜都可以食到 位置就系位于 V point 嘅底层 有一种世外桃源嘅感觉霸王辣子鸡半只 ($158)霸王辣子鸡系一道麻辣菜式 粒粒都炸得好香口 将辣椒嘅味道渗入咗鸡肉入面 食完两三粒之后感觉到条脷麻痺咗 可以话系辣得过瘾咕噜肉 ($108)日喜楼嘅小菜当然有特别之处 一食落口就知道份咕噜肉系即炸再即炒 咕噜肉嘅外层仲系脆卜卜 同埋沾有咕噜肉嘅甜酸酱汁 咕噜肉系去咗骨啖啖肉 份量亦都足够 系水准之作罗春阁爆汁生煎包 ($78)首先值得赞系上碟嘅方式系用咗铁板上 上碟嘅时候依然热呼呼的味道方面简直系一绝 甚至比上海嘅小杨生煎更加好 外层嘅皮脆卜卜 内层系上汤再加猪肉 可以营造到爆汁嘅效果 成个配搭真系十分正家乡炸春卷 ($40)一共有三条春卷 每一条都系啱啱炸起 可以食到鲜虾嘅味道黄金姜米鳕鱼粒炒饭 ($108)黄金炒饭饭如其名 成个炒饭炒到去黄金色 加上毫不吝啬嘅鳕鱼粒同埋蛋丝 虽则望落去平平无奇 但炒饭真
日喜楼系一间中高价嘅中式餐馆 不论系点心 一般小炒 甚至系川菜都可以食到 位置就系位于 V point 嘅底层 有一种世外桃源嘅感觉
霸王辣子鸡半只 ($158)
霸王辣子鸡系一道麻辣菜式 粒粒都炸得好香口 将辣椒嘅味道渗入咗鸡肉入面 食完两三粒之后感觉到条脷麻痺咗 可以话系辣得过瘾
咕噜肉 ($108)
日喜楼嘅小菜当然有特别之处 一食落口就知道份咕噜肉系即炸再即炒 咕噜肉嘅外层仲系脆卜卜 同埋沾有咕噜肉嘅甜酸酱汁 咕噜肉系去咗骨啖啖肉 份量亦都足够 系水准之作
罗春阁爆汁生煎包 ($78)
首先值得赞系上碟嘅方式系用咗铁板上 上碟嘅时候依然热呼呼的
味道方面简直系一绝 甚至比上海嘅小杨生煎更加好 外层嘅皮脆卜卜 内层系上汤再加猪肉 可以营造到爆汁嘅效果 成个配搭真系十分正
家乡炸春卷 ($40)
一共有三条春卷 每一条都系啱啱炸起 可以食到鲜虾嘅味道
黄金姜米鳕鱼粒炒饭 ($108)
黄金炒饭饭如其名 成个炒饭炒到去黄金色 加上毫不吝啬嘅鳕鱼粒同埋蛋丝 虽则望落去平平无奇 但炒饭真系炒得几香同有镬气
苹果雪梨茶 ($29 原价 $58)
晚间饮品有买一送一嘅优惠 同朋友食咗咁多煎炸嘢 就冇人饮返一杯苹果雪梨茶解一解热气 卖相几靓整到成杯cocktail咁 仲送多咗一块苹果片畀我
个人比较推介咕噜肉同埋罗春阁爆汁生煎包 当然其他菜色都几好 系一个适合三五知己一齐嚟聚会食饭嘅地方
张贴
