Muse Furniture Lab (裝修中)

天气情朗下入到锦田享受美食同美景打下卡，早一个礼拜就book定枱费事无位，门口有停车场好方便，门口已经有furniture lab嘅陈列馆，系其中一个影相位，入到餐厅系好特别嘅装饰，可以坐室内或室外花园，不过较晏时间花园会有蚊。讲番食物，先黎几杯特饮醒醒神，火龙果西柚沙冰好fresh唔太甜，芋治茉茶红豆沙冰睇样已经加分，茶味够好清新，两款都系值得推荐的。食物方面法式可丽饼系必点之物，黑松露煎大虾带子又香又弹牙，配可丽饼一流另外牛油白酒烩青口都好香酒味，除左青口外，仲可以配面包可以点汁食，完全吸收哂白油汁同青口嘅味道仲有墨西哥辣椒墨鱼蚬意粉比到最大惊喜，唔算太辣，但辣得黎好香好惹味，愈食愈想食，停唔到口食完可以去花园影下相，蓝天白云很是写意。