Zappy (已結業)

见到好多好评，所以带著期望。当晚超级大雨，好多人有遮都企左喺时代广场等细雨小小先行，等左一阵都无细到，于是的起心肝行，点都系要湿。大家都急步行，虽然有遮，我基本上都湿晒，尤其对鞋，鞋内装满水，点知去到仲要等好耐䢂，部䢂等好耐仲喺廿几楼。一到餐厅打开门，好舒服，摆设、气氛都好有家的感觉，又静静地，同外面大雨的忙乱情况好大对比，加上等䢂等好耐，心情本身唔太好，奇怪地一入间餐厅就已经转得心情好好多。当然第一时间去厕所抹脚抹鞋😅😅经历一轮冲锋陷阵落大雨来到，就特别叫个黑松露薯条叹下，之前有其他餐厅整得好好食，所以有期望，换来就有失望，唔系难食，只是没有预期中的黑松露香，味道不突出，黑松露亦不如我之前在别的餐厅食过的美味，不推介这个。本来期待呢个海胆牛油果意粉，海胆味不讲其实唔知有，食唔出味。最让我喜欢系个环境，真系好舒服，服务非常好，亲切有礼，好适合倾计、谈心、闺蜜诉心事等。对食物味道要求则一般。