西湖餐廳

营业中

休息中

答应左班新朋友去鱼排烧野食玩水，预埋我无紧要，试试大家合唔合得黎啦。约系西湖等，完全唔识路，搭的士最好。原来什么都未买，食完早餐先一齐去买，有点乱，约人同安排都系，豪无计划架㖞。琴晚我都饮到好爆呀，朝早先瞓，但估唔到我系第一个到啰，哈哈。两位阿姐又惯鬼左叫我做依样做𠮶样，no 喇，我又唔系搞手，您要打电话、要去接人、要去买野、买早餐外卖，自己搞掂去啦！仲未有团友到，咁我叫野食先喇！间茶餐厅都几旺㖞，里面坐满晒，唯有坐门口啦。服务都几差㖞，无人招乎无人理，想落 order 就剩系叫我等等，仲要黑面无笑容，等了又等。等落单等到呆左，等等下，正副两位搞手都到喇，刚好一齐叫野食啰，原来佢地系熟客，终于落到单喇 ﹗我应该唔会有下次架喇。太阳蛋肠仔鸡扒出前一丁，猪仔包？sorry 呀，我唔知道早餐会跟包呢，我唔食架，有点浪费，都无计啦。哗 ﹗连餐具都无，又要问侍应攞，仲要油淋淋，救命呀 ﹗太阳蛋肠仔鸡扒出前一丁，HKD39 蚊早餐加冻饮，果然系游客区㖞，一颈血 ﹗仲送左皮生菜我添，西贡菜又几爽甜架㖞，好好味，多谢。最好食咪生菜同只蛋啰，太阳蛋煎到有少少甘黄香口好多又热好多，正呀 ﹗但系个面就煮到腍