影片
更多
2024-08-20
553 浏览
都唔记得有几多年冇嚟长浜No.1，当年门面同装修好似都旧派啲，而家就现代少少咁，同佢哋嘅餐牌、面食一样......上次嚟长浜No.1系冇乜嘢好拣，猪⻣汤拉面就猪骨汤拉面，佢个餐牌基本上就系多只蛋少只蛋，多块叉少块叉咁上下，简陋，但我好buy。而家多咗啲花臣，有味噌汤底、煮干、冷拉面、素食版......其实又唔系变咗好多，至少唔系又鸡白又虾汤咁，但就睇落「多元」啲。在我角度，呢种系「世故咗」、「妥协」嘅表现，以长浜No.1嘅超班猪骨汤头，其实唔使搞呢啲嘢，但江流如此，唔追少少潮流就未必吸都新客。可叹也。挣扎咗几秒点唔点煮干，最后决定先重温猪骨汤面嘅味道。汤嘅底色冇变，偏啡嘅白猪骨汤，油脂挂晒碗，闻说此乃「长浜系」signature。但睇起来冇以前咁有「黏稠感」，饮落都真系冇咁咸，又系我所谓嘅「妥协」吧？但其实噉系适合本地人口味嘅，浓咸、黏口嘅汤唔系个个香港人接受到。最后都系饮晒。面就继续幼而爽弹，我拣「硬」，觉得啱啱好，食到最后一啖仍然冇过腍。叉烧，我印象中唔系长浜no.1强项，不过久别重逢又觉得几好食，几嫩，冇油腻感。味玉就继续一般般，本来就知佢呢样唔系好突出，但今次唔知搞乜两边蛋都沉
上次嚟长浜No.1系冇乜嘢好拣，猪⻣汤拉面就猪骨汤拉面，佢个餐牌基本上就系多只蛋少只蛋，多块叉少块叉咁上下，简陋，但我好buy。而家多咗啲花臣，有味噌汤底、煮干、冷拉面、素食版......其实又唔系变咗好多，至少唔系又鸡白又虾汤咁，但就睇落「多元」啲。
在我角度，呢种系「世故咗」、「妥协」嘅表现，以长浜No.1嘅超班猪骨汤头，其实唔使搞呢啲嘢，但江流如此，唔追少少潮流就未必吸都新客。可叹也。
挣扎咗几秒点唔点煮干，最后决定先重温猪骨汤面嘅味道。汤嘅底色冇变，偏啡嘅白猪骨汤，油脂挂晒碗，闻说此乃「长浜系」signature。但睇起来冇以前咁有「黏稠感」，饮落都真系冇咁咸，又系我所谓嘅「妥协」吧？但其实噉系适合本地人口味嘅，浓咸、黏口嘅汤唔系个个香港人接受到。最后都系饮晒。面就继续幼而爽弹，我拣「硬」，觉得啱啱好，食到最后一啖仍然冇过腍。叉烧，我印象中唔系长浜no.1强项，不过久别重逢又觉得几好食，几嫩，冇油腻感。味玉就继续一般般，本来就知佢呢样唔系好突出，但今次唔知搞乜两边蛋都沉晒落汤里面，观感真系麻麻。配菜多咗碟辣芽菜，少少辣，味道调得唔错。
总体而言，长浜No.1仍然系我喺香港食过数一数二好嘅猪⻣拉面，应该仲会再嚟，下次有多个伴我就会试下煮干拉面同小食，睇人哋食评话有牛舌，有兴趣。
到我埋单的一刻，全店都得两个客人，真系市道唔好，希望长浜No.1顶得住。临走见到一位日本先生走出店面，有点熟口面，可能就系多年经营嘅店长，低调敬业依然。
张贴
