To-Gather Cafe (已結業)

今日约埋几个朋友一齐出去食饭兼睇波，朋友同我讲有间楼上Cafe唔错又可以睇波，咁就一于去试吓先😝，我哋六点半去到已经有几台客人喺度，入到去环境舒适，服务员亦都非常亲切，正当大家谂紧食咩𠮶阵时，我见到佢其中一个餐牌有party-set,经过大家商量一致决定叫黎试吓✌🏻，我哋叫咗$158一位既set,其实佢一个set入边有好多嘢食，1）田园沙律跟日式芝麻酱，沙律菜好新鲜，唔错，2）小食拼盘，吉列炸虾，蒜香鸡翼，咖喱角，粟米墨鱼饼，猪颈肉，蜜汁鸡肉串，芝士薯条同埋芝士焗蔬菜😱，真系好多好多😂😂，全部都炸到脆卜卜，好味👍🏻3）卡邦尼烟肉扭扭粉，味道唔错，唔会太腻，4）黑松露海鲜意大利饭，呢个略嫌唔系好够黑松露味，5）饮品方面叫咗蜂蜜绿茶同埋荔枝红茶，因为系set嘅关系,所以系两大瓶, 味道不太差，不会太甜，其实成个set嘅食物真系份量好多，唔使惊食唔饱👍🏻整体来讲，可以一试