影片
更多
2018-06-16
2975 浏览
星期六下昼又同Daddy食lunch。今日嚟到又一城，行咗一阵，最后Daddy话：「好耐冇去过皇后餐厅，不如去𠮶度！」咁所以我哋就去咗皇后餐厅。当时一点几，喺餐厅出边都有一条龙，我哋喺出边等左约莫10分钟。排队𠮶阵时Daddy同我讲佢话爷爷之前好钟意去铜锣湾𠮶间皇后餐厅。佢话爷爷最钟意就系去饮皇后餐厅嘅牛腰汤 - 即系牛嘅肾做出嚟嘅汤。牛腰汤系 cream base 嘅汤。可能你一听到牛腰汤你就会觉得好骚，但系Daddy话：「皇后餐厅做嘅牛腰汤系完全冇骚味。」Daddy 又话皇后餐厅之前亦都出名食串烧。我都有好耐冇嚟过皇后餐厅，不过我记得对上一次都仲有串烧食。Daddy 又同我讲：「以前如果要食西餐，一系就去一啲中式嘅西餐厅即系例如太平馆，一系就去一啲俄国嘅西餐厅例如车厘哥夫、皇后餐厅。」我哋一代，可能听到皇后餐厅个名，第一个感觉就系佢系一间香港式嘅西餐厅，因为一般香港人一提到「皇后」呢个名，你就会谂起「事头婆」英女皇。但系原来皇后餐厅系一间典型嘅俄国式嘅西餐厅，所以罗宋汤，俄式串烧 shashlik 都系佢哋出名嘅菜式。一坐低睇到个餐牌，原来佢有lunch set。百几蚊一个，又有汤
Daddy 又同我讲：「以前如果要食西餐，一系就去一啲中式嘅西餐厅即系例如太平馆，一系就去一啲俄国嘅西餐厅例如车厘哥夫、皇后餐厅。」我哋一代，可能听到皇后餐厅个名，第一个感觉就系佢系一间香港式嘅西餐厅，因为一般香港人一提到「皇后」呢个名，你就会谂起「事头婆」英女皇。但系原来皇后餐厅系一间典型嘅俄国式嘅西餐厅，所以罗宋汤，俄式串烧 shashlik 都系佢哋出名嘅菜式。
一坐低睇到个餐牌，原来佢有lunch set。百几蚊一个，又有汤又有牛扒，都几抵食。爹哋第一时间就睇一睇仲有冇牛腰汤，不过佢哋已经冇买。我有少少俾𠮶个lunch set个价钱吸引着。但系既然我哋唔系成日来食，所以最后都系决定叫羊肉俄式串烧shaslik。
首先嚟嘅系罗宋汤，呢度嘅罗宋汤不嬲都好好味，今次都唔例外，汤味好浓，但系又唔会太过结，咸啱啱好。
我哋等左大概15分钟羊肉串烧先至来，其实落单𠮶阵时，侍应都会有同我地讲如果叫串烧要耐少少。系等紧串烧𠮶阵时，我就趁机周围影吓相，见到墙上面有一幅放大左嘅黑白相，就影低咗俾Daddy睇。我哋研究左一阵睇吓系唔系下野之前成日去铜锣湾嘅餐厅，虽然相里便𠮶间皇后餐厅系喺电车路上边，但系Daddy话应该唔系铜锣湾𠮶间。之后我哋发觉原来𠮶幅大嘅黑白相，系用一幅挂喺另外一边嘅彩色放大嘅。
期待已久嘅主菜钟意来喇。我都系跟住Daddy嘅做法，先将羊肉由果枝串烧拆咗出嚟。如果我自己去食，肯定就会好似食日本串烧咁，直接用口咬啲肉出嚟。个串烧跟咗一个烧汁，我第一啖就将块羊肉点左个烧汁食，觉得太咸。之后我就索性唔点个烧汁，咸味啱啱好。由于羊肉系腌过，所以其实唔点烧汁个味道都好够。肉质都几林，同埋最好系啖啖肉，完全冇骨。
装修方面，明显地系我上次嚟呢度之后佢系有做过翻身，不过由于我上一次都已经系N年之前，所以我都唔知究竟佢地几时翻新过。唔可以话餐厅系啲咩好豪装，但系整体嘅布置都系舒服，加埋一啲旧时嘅相，比起旧式嘅中式西餐厅，都升左好多呢。
总结
- 等左约莫10分钟
- 爷爷之前好钟意去铜锣湾𠮶间皇后餐厅
- 个名会谂起「事头婆」英女皇
- 原来系一间俄国式西餐厅
- 推介- 罗宋汤(冇得输)、羊肉串烧(唔使点烧汁)
- 整体嘅布置都系舒服
罗宋汤
77 浏览
0 赞好
0 留言
羊肉串烧 shashlik
92 浏览
0 赞好
0 留言
张贴
