影片
更多
2010-08-18
119 浏览
师傅喺呢个环头, 每日放饭闲闲地都要消费三十至四十蚊, 一d都唔算平, 有时想对自己好少少, 就五十至六十蚊都好理所当然, 有时甚至过百亦是如此, 但咁样绝对唔系上算;师傅唯有继续四出搜寻平靓正嘅野食, 最近比师傅发现呢间食店, 似乎值得一试!去到食店前, 望入去唔算太光猛, 师傅亦犹豫左一阵, 正当十五十六之际, (冇错系十五十六唔系十五二十呀), 突然间比师傅瞄到个价钱, 原来呢间食店打正旗号卖十一蚊碗, 咁嘅情况下师傅几带就几带, 烧卖就烧卖, 即刻入去揾番个位坐先!入到去都几爆下, 不过一支公就点塞都会塞到个位嘅, 坐底就即刻叫左碗云吞米加色, 一碟油菜; 落完单再攞埋对筷子, 云吞米加色即刻放左喺师傅面前, 正谂紧饮啖汤先定试下粒云吞啦, 碟油菜亦同时登场, 速度之快就如同奥运100米短跑金牌得主 “保特”嘅世界纪录一样, 九秒八六呀!用九秒八六嘅时间放低碗云吞米同油菜后, 师傅估计大约需用十分钟时间就可完成赛事; 师傅即刻试下汤底, 汤底入口颇淡, 虽然已经加左腩汁, 但食然食唔到腩汁嘅香和味, 如果冇加腩汁一定仲淡口, 汤底整体系普通, 绝对带唔起食欲; 而云吞一碗有四粒
去到食店前, 望入去唔算太光猛, 师傅亦犹豫左一阵, 正当十五十六之际, (冇错系十五十六唔系十五二十呀), 突然间比师傅瞄到个价钱, 原来呢间食店打正旗号卖十一蚊碗, 咁嘅情况下师傅几带就几带, 烧卖就烧卖, 即刻入去揾番个位坐先!
入到去都几爆下, 不过一支公就点塞都会塞到个位嘅, 坐底就即刻叫左碗云吞米加色, 一碟油菜; 落完单再攞埋对筷子, 云吞米加色即刻放左喺师傅面前, 正谂紧饮啖汤先定试下粒云吞啦, 碟油菜亦同时登场, 速度之快就如同奥运100米短跑金牌得主 “保特”嘅世界纪录一样, 九秒八六呀!
用九秒八六嘅时间放低碗云吞米同油菜后, 师傅估计大约需用十分钟时间就可完成赛事; 师傅即刻试下汤底, 汤底入口颇淡, 虽然已经加左腩汁, 但食然食唔到腩汁嘅香和味, 如果冇加腩汁一定仲淡口, 汤底整体系普通, 绝对带唔起食欲; 而云吞一碗有四粒, 粒粒都几大粒, 入口发现云吞皮十分薄身, 而且几滑, 至于馅料嘅虾肉都几大只, 虽然有捞埋猪肉, 但份量绝对唔多, 而且入口十分之爽口, 相比起 “云吞成”好不知几多倍, 云吞绝对唔差㖞; 而师傅拣米粉就摆明搏多唔搏差, 取其份量多而味道普普通通就是了, 所以结果亦是如此!
油菜系腐乳通菜, 通菜爽口嫩绿, 卖相得入口亦掂; 食到咁上下, 师傅觉得一碗好似唔多够, 但叫多碗亦可能过多, 点算好呢? 最后都系决定柯打多一碗牛腩面, 落完单后呢间食店继续维持高速度, 一放底师傅就即刻试下牛腩, 牛腩偏瘦, 入口几韧几干, 绝对唔讨好, 可幸亦不算太衰, 所以师傅亦能吃下; 至于面系幼面, 入口重碱水味, 但面身就十分爽口弹牙, 咬下去嘅感觉不错, 如果能将碱水味除去, 整个面身相信会更加出色!
总括黎讲食物质素中上, 环境幽暗, 清洁度亦麻麻, 服务亦算不错, 价钱就便宜到不得了, 十一蚊一碗面, 五蚊一碟油菜, 师傅埋单廿十七元正, 食到捧住个肚, 所以都几抵食! 喺呢个环头竟然有间咁相宜嘅食店, 对于师傅黎讲绝对系一个天大喜讯, 加上有如世界纪录嘅速度, 绝对值得一试, 笑脸要比亦相信会有返啅嘅机会!
张贴
