Bugis@叻沙・海南雞飯

营业中

休息中

我今日终于食到人生食过最难食嘅海南鸡饭！真系忍唔住要打返篇食评😭平时夜晚见到呢间餐厅好多人排队，今日放工已经8点几，见到唔洗排队，当然要把握机会去试吓。餐牌上既一人套餐包括小食，主食及饮品($92)，但系我今日胃口一般，只单点左个新加坡海南鸡饭。海南鸡个卖相好差，甩皮甩骨咁，而且肉质劲鞋，完全无鸡味，鸡皮亦冇油香。其实鸡件都唔系重点，酱汁先系灵魂，我真系未试过连酱汁都咁难食。我平时最钟意黑豉油蘸鸡同捞饭，因为甜甜地好开胃，但呢度个黑豉油有苦味，味道好奇怪。咁我唯有转战辣酱啦，但得个酸字，个味道都几难接受。姜蓉就正正常常。油饭又系世界级难食，完全无油香，我宁愿食白饭。真系太难食，食得好辛苦。好庆幸今日冇点到一人套餐，一个海南鸡饭卖单承惠$73，完全唔值呢个价，今次系我唯一一次亦系最后一次食呢间餐厅。