小叻沙 (已結業)

因XO仔情绪极受困扰，整个礼拜都显得特别暴躁，周一中午就俾会计小姐捉咗去试新开间「小叻沙」，试图降温。位于富豪饭堂侧旁o既小店楼面都几高，三行散座由左起分别排列成拍墙高櫈、合拼式多人餐桌及卡位，简洁整齐，光线企理。当中部份餐枱用上足球场设计，莫非老板系一名足球迷？！定抑或系新店碰巧于世界杯期间开张，故刻意添加摆设去衬托吓四年一度先有o既盛事？！由于入座时未到繁忙时间，两口子先咁好彩有阔落o既卡位坐，又未需要搭枱。午市餐牌有两页，所有菜式均附上彩图作参考，非常清晰。如要清水及酱汁，食客可于自助区自取。牛腩叻沙（$55）：大大碗叻沙落单后五分钟左右即到，效率极高。当中惹味香脆o既虾子及碎葱系分开放喺汤羮上。毫不油腻o既叻沙汤底微辣带浓浓椰奶香，油面及米粉o既黄白组合「掺掺」柔韧带脆，极之美妙。牛根腩软腍香浓，份量更加系恰到好处。个人一向钟情牛筋，如果可以叫净牛筋叻沙就最理想不过。汤中半只蛋一样系入哂味，就连啲芽菜同青瓜丝都分外美味。马拉沙嗲鸡肉串及马拉沙嗲猪肉串（另加$20）：跟叻沙可以$20加配两串沙嗲，个人觉得鸡肉串比猪肉串软嫩润甜。通菜（$18）：$18一客o既通菜相当大碟，由于香辣