豬仔糖水 (已結業)

朋友叫咗一碗蛋白杏仁茶，个样好似老泥水一样，有啲白色渣宰喺碗边，面头好似做完spa d残余物浮下浮下咁 。蛋白只有三两块碎，未食就已经散开。另一位叫咗紫米汤丸，朋友觉得佢个名应该叫做"你还你、我还我 "，因为啲紫米一旧旧，硬到阿妈都唔认得。 水还水、紫米还紫米，貌合神离，只有汤圆比较可以入口。 我自己就叫咗个椰皇芋圆蕃薯圆汤圆， 拣佢因为卖相都算唔错，可惜金玉其外、败絮其中，汤丸仲入得口， 一毕椰皇d肉，就好似腐尸咁剥落，个壳入面系碳黑色，我心谂都唔紧要啦，都摆落口食下，最后吐都吐唔切，因为有一浸浓烈嘅酸缩味，好明显系唔新鲜…… 今晚入呢间嘢真系世纪中伏，为2019年蒙上一个好大嘅污点……