影片
更多
2008-06-01
47 浏览
细佬忽然提议到佢好日都唔去的铜锣湾食晚饭, 阿妈又话以前食过呢间觉得唔错, 今晚就一行 4 人0黎试试. 见佢成份 menu 都系「得奖菜」, 又挂到成条走廊都系 certificates, 结果拣的 5 个(食送)当中, 有 3 个都系得奖0野, 睇0下佢有几巴闭.- 芝麻盐焗鸡一只: 鸡皮铺满芝麻粒, 焗晒 d 油出0黎, 又薄又脆, 加埋芝麻, 咸咸香香, 劲正! 鸡肉亦好嫩滑 (连鸡胸都好滑) 入味, 食到停唔到口; 仲有鸡肾, 爽口鲜味, 好食. 绝对推介!- 姜米活鱼炒饭: 饭炒得干身, 粒粒分明, 带姜(丝)的香辣, 仲有一粒粒葱及一条条红萝卜丝, 食落 sok sok 声, 几好食; 鱼肉切到一条条, 滑滑的, 几鲜味, 不过 d 汁都几杰身, 十足茶记碟头「滑蛋虾仁」, 不过对味道无乜大影响, 无所谓啦.- 鲍汁炆杂菜: 呢个唔系招牌0野, 但卖相真系 hea 得很... 「鲍汁」当然唔系鲍汁味, 味道则有 d 似「鳝糊」的汁, 好咸0下; 杂菜就真系乜都有 d (e.g. 翠玉瓜, 白菜, 西兰花...), 食落爽身, 不过味道一般.- 豉汁蒸蛏子皇 4
- 芝麻盐焗鸡一只: 鸡皮铺满芝麻粒, 焗晒 d 油出0黎, 又薄又脆, 加埋芝麻, 咸咸香香, 劲正! 鸡肉亦好嫩滑 (连鸡胸都好滑) 入味, 食到停唔到口; 仲有鸡肾, 爽口鲜味, 好食. 绝对推介!
- 姜米活鱼炒饭: 饭炒得干身, 粒粒分明, 带姜(丝)的香辣, 仲有一粒粒葱及一条条红萝卜丝, 食落 sok sok 声, 几好食; 鱼肉切到一条条, 滑滑的, 几鲜味, 不过 d 汁都几杰身, 十足茶记碟头「滑蛋虾仁」, 不过对味道无乜大影响, 无所谓啦.
- 鲍汁炆杂菜: 呢个唔系招牌0野, 但卖相真系 hea 得很... 「鲍汁」当然唔系鲍汁味, 味道则有 d 似「鳝糊」的汁, 好咸0下; 杂菜就真系乜都有 d (e.g. 翠玉瓜, 白菜, 西兰花...), 食落爽身, 不过味道一般.
- 豉汁蒸蛏子皇 4 只: 豉汁几咸0下, 不过唔会太抢, 可以接受的; 蛏子皇就极爽脆鲜甜, 食得非常过瘾. 推介!
- 西施伴霸王: 个名好浮夸, 睇英文先知系乜 -- "Scrambled Egg Ehite with Crab Meat Served with Prawns in Salted Egg Yolk ". 炒蛋白除0左蟹肉之外, 仲有落了蟹籽0系面, 旁边的 4 粒圆形0野则系咸蛋黄虾. 蛋白炒得好滑, 亦食到蟹肉鲜味, 加埋蟹籽脆卜卜, 几得意几好食, 送饭一流; 虾肉爽脆, 咸蛋黄好「沙」, 加埋咸咸香香, 好食. 值得试试!
- 仲有送的紫米露糖水 (亦可选红豆沙): 芋头粉粉的, 紫米软糯, 好香, 仲要唔系好甜, 0岩晒口味. 意料之外地好食, 唔错唔错.
食完饱到上心口, 好在有功夫茶饮0下消0下滞, 唔错0既安排.
环境一般, 卫生都一般, 不过0黎到都唔系食装修0架啦, 是但啦; 招呼就差0左 d, waiter 阿叔阿姐们都几唔醒目, 仲倒泻了阿爸杯茶 @_@"
埋单约 $170 一个头, 考虑到食物咁好 (佢 d 得奖菜同出面好多地方的所谓「得奖菜」唔同, 并唔系浪得虚名的), 算好抵了. 阿妈真系好介绍, 会再帮衬的.
张贴
