大記攦粉糕點專門店

营业中

休息中

餐牌咁写，谂住虾春卷再加鱼腐，点知靓姐话可以再拣多样，就拣埋片头木桶上，keep到汤同粉嘅温度，系好心思谂过，不过其实并非特别好食。先讲啲𩠌，片头䋢实密度高，冇腥味；虾春卷有两条，中间剪开，外皮脆，虾味唔算出；鱼腐炸到外层好酥。但其实热辣辣新鲜炸再点酸辣酱，好难会唔好食，唔系特别高嘅技巧，食到最尾仲见到碟底劲多油。啲粉更平凡，手工制作，粗幼不一，但并冇烟韧弹牙，只系比一般濑粉粗身啲爽啲。清汤底真系好清，近乎滚水。配菜方面，紫菜尚算正常，其他包括四季豆、葱、芹菜、芫茜、木耳丝甚至肉丝都可以完全冇味，唔知浸左喺汤几耐咁就$45，宁愿食普通鱼蛋粉。冇咩特别，不过不失，试过就算。