Plato Cafe & Bistro (彌敦道) (已結業)

约左partner 攞野，顺便食返餐联谊下，佢介绍佢公司附近的楼上 cafe 。原来弥敦道有间 CaSa 酒店，而酒店𥚃面就有间西餐，唔系老马识途，跟本唔会识得来。上到去都唔少人，朋友话呢间系油麻地区打工仔的高尚饭堂，所以多人食都唔奇。美国安格斯西冷牛扒食物几好㖞，佢食牛扒餐，唔算好大份但真系好鬼香。啱啱煎好就上盘，侍应仲要急急脚送餐，所以件扒坚热辣。我试左一旧，真系好味㖞。西冷一般较为有咬口，重牛味，但好彩佢冇乜筋，唔会韧。仲有烧汁同芥末可以点 tim 。而且见佢配菜都多，好精神。香蒜白酒蚬意大利粉我就食蚬仔意粉，意粉入味有香蒜味，蚬仔多但细细只，最紧要新鲜，不过完全食唔到有酒味。除了蚬仔同意粉，其实仲加左好多配料例如青红椒同沙律菜等，交足功课。餐汤系南瓜汤，偏淡 ，一般啫；蒜蓉包香脆好味。另一惊喜系西班牙咖啡，好多年冇饮了⋯⋯ 一球云呢拿雪糕加上冻咖啡，比例完美，浓淡适中，令人回味。环境几好，枱与枱之间有距离感，唔会嘈又倾到计。服务都唔错，快手快脚。埋单好似三百几，性价比高，算好抵食嫁 。