The Night Market (ELEMENTS圓方) (已結業)

喺Elements行到肚饿，见到呢间台湾嘢有好多人，咁就入黎试下。牛肉面有肉又有筋，两样都煮得好腍，面条有咬口。叫左蚵仔面线，大肠就仲有骚味，不过啲蚵仔就好肥美。黑酱油炒饭嘅饭炒得干身，入面有切得好细粒嘅台湾香肠😂酸菜煮鱼嘅鱼汤好好饮，少少辣，够晒酸。鱼就好滑，仲有好多配菜芽菜酸菜咁。香炸蚵仔酥就炸粉厚左啲，不过就好香脆。手抓饼整得干身，唔会好油，上枱时仲系热嘅。整体黎讲呢间就系中上水平嘅台湾菜。