鳴越越式料理

营业中

休息中

上星期五晚同同事在中上环开完会，超肚饿就在上环地铁站近电车路大街见到一间越南菜餐厅叫“鸣越越式料理”。想起应该已经好耐冇食越南菜，我哋又从未食过呢间餐厅，因为太饿就胆粗粗咁冲咗落去叫野食。既然嚟都越南菜馆梗系点越南菜必食之火车头，试一试佢哋餐厅嘅功架啦。果然没有令我失望， 牛筋好淋，生牛肉好有肉味，牛丸是爽的， 牛柏叶有嚼劲，香料味道刚好没抢走牛肉味，而且河粉都好滑，真系好不错㖞。佢哋个春卷都合格，而个猪肉虾片有惊喜，猪肉好嫩滑入味，虾片脆口，猪肉滑嘟嘟、虾片脆卜卜，同时间一次过感受到两种口感，好开心啊～另外马拉盏炒芥兰， 芥兰很新鲜翠绿，炒的火候刚好， 马拉盏嘅咸咸香香夹杂于芥兰菜味，真系好食到要停唔到口。滴漏咖啡味浓可口，以及青柠薏米水清新去湿，有特色及健康饮品，值得赞赏。其实间餐厅食材质素不差，点解我会miss咗一间咁好的越南菜馆呢，下次都会到来帮衬。