無敵家

营业中

休息中

今日响上环收工仲要七点几八点先收，返屋企煮得黎就要好夜先有得食，决定叫老公等我一阵，一齐响附近随便揾间餐厅食就算~ 地图见到呢间最近，又咁啱我哋大家都钟意食日本嘢，一于试吓~ 呢头下午好旺但夜晚好似好静，所以估唔到呢间餐厅闲日夜晚都几多客人餐厅有两层，上层几乎坐满晒，下层都有啲客人，误打误撞都似乎揾到间好嘢食事不宜迟我哋都好肚饿，就一次过叫咗几个𩠌，其中另外印象最深刻就系牛小排生熟度掌握得非常好，完全唔会过熟，牛肉嫩滑多汁，日式煮法甜甜地食落都几有新鲜感，有别一般西式嘅煮法，好好食另外串烧饭团都系必叫之选，烧过嘅饭团好香口，表面仲有少少脆脆地，有啲食紧饭焦嘅感觉，非常啱我口味第日夜收工又多个食饭好去处了~