蘇杭冰室

营业中

休息中

中上环不嬲都多高级商厦，连食店都较多高级食店，我地呢D打工仔过黎做野，可以都尽量避免系呢边开餐。不过今次因为带埋小朋友，做完野又已经下午2点半，惊饿亲佢地都系食完先闪。好彩俾我系苏杭街遇到佢《苏杭冰室》，其实门口见到餐牌已经好吸引，好多都想食，最紧要价钱接受到。坐底左俾佢80年代既装修吸引住，铁皮屋顶加 半斤八两同 玉泉忌廉梳打既旧poster边会仲揾到？我地叫左招牌沙爹鲜牛公仔面， 秘制麻辣肉丁公仔面同埋 瑞士汁鸡髀薯条三个餐。首先介绍秘制麻辣肉丁公仔面，系楼面姐姐极力推介，佢地既肉丁分左2款，一款系平时食开 罐头肉丁，而佢推介既就系佢地秘制既麻辣肉丁，其实我唔食辣，食麻辣真系一个挑战黎，姐姐仲好贴心帮我，𩠌同面另上。结果当然真心好味，麻辣，麻香小小辣，更加野味，我都食到绝对BB级麻辣，但就比罐头肉丁好味好多。推荐，推荐！招牌沙爹鲜牛公仔面，牛肉份量多，沙爹味香浓，同出边食既沙爹牛面个色系有D出入，相信都系自家制👍🏻最后 瑞士汁鸡髀，够晒入味， 皮香肉滑，一阵就疯狂吸入，呢间冰室仲有好多好味既𩠌菜想试，下次要黎试下店员姐姐介绍既滑蛋叉烧先得。