影片
更多
2021-03-07
1171 浏览
以前夜晚去饮茶食点心系一件无乜可能发生嘅事，但近年愈来愈多点心店，夜晚叹茶变成好多人日常。呢间点心店位置唔系咁起眼，但内𥚃算光猛企理干净。有三款茶选择，选左荞麦茶，第一次饮，好甘香，饮落好舒服。叫左3款点心。叉烧包外型系传统𠮶只，香喷喷新鲜蒸起，个皮软绵，𥚃面叉烧饀份量同甜度适中，热辣辣好唔错，正宗香港comfort food。虾饺比正常细少少，皮薄，里面个馅就一般，唔系咁多汁，无乜笋嘅鲜味，一般。相反紫薯咸水角系惊喜之作：首先刚刚炸起，好新鲜，炸得干身唔油。𥚃面有好香嘅紫薯蓉，加埋传统咸水角馅料，一流！咸鱼肉饼饭，饭蒸得刚好，粒粒分明，咸鱼几香，肉饼滑溜，但可能落得太多生粉，肉味稍欠奉。除左点心，仲有几款小菜供应。埋单$120左右，中上环开心价，性价比高。最重要系呢度夜晚食够静唔嘈，非常唔错！
呢间点心店位置唔系咁起眼，但内𥚃算光猛企理干净。有三款茶选择，选左荞麦茶，第一次饮，好甘香，饮落好舒服。
叫左3款点心。叉烧包外型系传统𠮶只，香喷喷新鲜蒸起，个皮软绵，𥚃面叉烧饀份量同甜度适中，热辣辣好唔错，正宗香港comfort food。
虾饺比正常细少少，皮薄，里面个馅就一般，唔系咁多汁，无乜笋嘅鲜味，一般。相反紫薯咸水角系惊喜之作：首先刚刚炸起，好新鲜，炸得干身唔油。𥚃面有好香嘅紫薯蓉，加埋传统咸水角馅料，一流！
咸鱼肉饼饭，饭蒸得刚好，粒粒分明，咸鱼几香，肉饼滑溜，但可能落得太多生粉，肉味稍欠奉。
除左点心，仲有几款小菜供应。埋单$120左右，中上环开心价，性价比高。最重要系呢度夜晚食够静唔嘈，非常唔错！
张贴
