影片
更多
2019-06-29
32 浏览
#鸣越越式料理 (中环)中环德辅道中144-148号安泰大厦地库-----呢间鸣越 其实B仔已经唔系第一次光顾 地点位于中环同上环中间 附近好多商业大厦 所以lunch time成日都好逼 B仔通常夜晚先黎食～😝夜晚如果店铺未full 店员尽量都会安排两个人一张阔卡位俾你 所以坐得好舒服 系B仔中意佢ge其中一个原因😊-猪扒捞檬 （$66 Dinner set-包饮品）中上环黎讲 呢度ge Dinner set价钱实在系有良心得很 味道方面 捞檬灵魂所在ge碌冧(捞檬用ge鱼露酸甜汁)调制得非常美味 捞埋青瓜丝 红萝卜丝 白萝卜丝 炸干葱片 青葱粒 花生碎同芽菜黎食 入口非常清新 夏天食好舒服 另外值得一赞ge系捞檬俾得非常大方 份量多到几乎系两人份 而猪扒亦非常高质 入口软腍 香茅味浓 肥瘦适中 整体CP值极高～😊-蒸粉卷（Dinner set-加$20有三件）上台时非常热腾腾 粉卷皮晶莹通透 口感带少少弹牙 馅料有沙葛 肉碎 木耳丝 等等 食落胡椒味较重 中意胡椒味ge朋友仔应该会中意（B仔个人唔特别中意胡椒味 但同行ge朋友仔就好中意）🤪-特色腐乳炒通菜 （$62）虽然个名叫特色
中环德辅道中144-148号安泰大厦地库
-----
呢间鸣越 其实B仔已经唔系第一次光顾 地点位于中环同上环中间 附近好多商业大厦 所以lunch time成日都好逼 B仔通常夜晚先黎食～😝夜晚如果店铺未full 店员尽量都会安排两个人一张阔卡位俾你 所以坐得好舒服 系B仔中意佢ge其中一个原因😊
-
猪扒捞檬 （$66 Dinner set-包饮品）中上环黎讲 呢度ge Dinner set价钱实在系有良心得很 味道方面 捞檬灵魂所在ge碌冧(捞檬用ge鱼露酸甜汁)调制得非常美味 捞埋青瓜丝 红萝卜丝 白萝卜丝 炸干葱片 青葱粒 花生碎同芽菜黎食 入口非常清新 夏天食好舒服 另外值得一赞ge系捞檬俾得非常大方 份量多到几乎系两人份 而猪扒亦非常高质 入口软腍 香茅味浓 肥瘦适中 整体CP值极高～😊
-
蒸粉卷（Dinner set-加$20有三件）上台时非常热腾腾 粉卷皮晶莹通透 口感带少少弹牙 馅料有沙葛 肉碎 木耳丝 等等 食落胡椒味较重 中意胡椒味ge朋友仔应该会中意（B仔个人唔特别中意胡椒味 但同行ge朋友仔就好中意）🤪
-
特色腐乳炒通菜 （$62）虽然个名叫特色腐乳 但无谂过个味同普通腐乳真系有唔同😂呢度ge腐乳味道带虾酱味 两者比例大概系5：5 而虾酱同腐乳都系好咸好重口味ge酱 份量一控制得唔好 就会好咸 但系呢碟通菜就无出现呢个问题 味道调得恰到好处 令通菜味道清得黎又唔会太单调 😋
-
香茅串烧猪颈肉（$36- 3串) 猪颈肉非常厚切 质感颇嫩 带少少蜜糖味 甜甜地 其实唔使点酱已经好食 不过点埋配搭ge特制沙爹花生酱整体味道就更多层次 先甜后咸 几得意😝
-----
👶🏻B仔整体评价：8/10个👍🏻
👶🏻B仔抵食程度：8/10个👍🏻
👶🏻B仔环境评分：7.5/10个👍🏻
（座位宽阔 卡位多 好坐）
👶🏻B仔味道评分：8/10个👍🏻
👶🏻B仔回头机会：8/10个👍🏻
-----
张贴
