影片
更多
2023-04-16
275 浏览
通常我食嘢都会Check下食评，所以好少中伏，见呢间餐厅岩岩新开张，门面又几靓就试下啦，点知濑晒嘢。我地一行个人，叫左3份主食，3份小食，竟然无一样系好食，仲要好一般。首先系红烧牛肉面同麻辣牛肉面，面底唔系手工面，系即食亁燥刀削面，先唔讲佢份量少得可怜，同价位唔相称，最差系佢汤底，味道无层次，真系咸到肾亏，饮左几杯水都搞唔掂！跟住到个三小碗（柯仔面线、卤肉饭、盐酥鸡）柯仔面难食到我净系左两啖、成兜都喺面，乜味都无，汤底劲少又劲水、口感好差，蚝仔系腥嘅。盐酥鸡味道口感都一般般，但最致命，喺外皮竟然系腍嘅，到底点样可以炸到层皮系腍…卤肉饭猪油系几香，但无乜味。台湾肠拼盘，又系好难理解点解可以整得唔好食，正常食台湾肠都系肠衣香脆，肉质实净多汁，但呢度又系腍晒….柯仔煎叫叫正路少少，但酱汁又系乜味都无...另外，肉松芋泥蛋饼好多蛋黄酱...盖过晒其他味...
通常我食嘢都会Check下食评，所以好少中伏，见呢间餐厅岩岩新开张，门面又几靓就试下啦，点知濑晒嘢。我地一行个人，叫左3份主食，3份小食，竟然无一样系好食，仲要好一般。
首先系红烧牛肉面同麻辣牛肉面，面底唔系手工面，系即食亁燥刀削面，先唔讲佢份量少得可怜，同价位唔相称，最差系佢汤底，味道无层次，真系咸到肾亏，饮左几杯水都搞唔掂！
跟住到个三小碗（柯仔面线、卤肉饭、盐酥鸡）
柯仔面难食到我净系左两啖、成兜都喺面，乜味都无，汤底劲少又劲水、口感好差，蚝仔系腥嘅。盐酥鸡味道口感都一般般，但最致命，喺外皮竟然系腍嘅，到底点样可以炸到层皮系腍…卤肉饭猪油系几香，但无乜味。
台湾肠拼盘，又系好难理解点解可以整得唔好食，正常食台湾肠都系肠衣香脆，肉质实净多汁，但呢度又系腍晒….柯仔煎叫叫正路少少，但酱汁又系乜味都无...另外，肉松芋泥蛋饼好多蛋黄酱...盖过晒其他味...
张贴