影片
更多
2021-12-30
1552 浏览
价钱大约系一百几蚊一碟小菜，份量偏细（六个人一人一旧咁），抵唔抵见仁见智。但最大问题系「食物质素」，完全唔掂1.蒜蓉粉丝蒸虾虾嘅大细大约系长洲三百蚊五碟小菜d 虾咁上下（即系同成人手指尾差唔多）。细都算数，好辛苦挑咗d 肉出嚟，原来d 虾系生嘅，结果大家不知情之下食咗半碟生虾。叫脑细埋嚟，佢只系拎咗剩返嘅虾去蒸，蒸到老晒再上返畀你。结果当晚我喺香车街个公街肚屙🤮如果你钟意食生虾，即时订位2.黄金虾虾嘅大细当然都系成人手指尾咁大，绝对可以癫覆你对黄金虾嘅想像。而且d 虾系唔多痴到d 咸蛋黄，所以我到底食紧d 咩？🤮3.黄金鸡中翼一上枱见大大只应该掂啦，点知，入面熟到烂（唔系夸张，d 肉已经系梅梅地）。我怀疑佢先蒸后炒/炸，完全过熟，其实我唔明一碟咁普通嘅小菜点样可以煮得咁难食。加埋d 鸡翼系垃圾级别，喺冻肉舖d 鸡翼仲靓过佢🤮4.黑椒牛仔骨哩个份量都还好，虽然旧旧都只系得连住旧骨𠮶少少肉。不过，一咬落去，成个口只系得d 松肉粉味，我连食紧牛定猪都分唔到...如果你唔知松肉粉系咩味，快d 订位试吓🤮5.芥末牛柳粒有d 牛柳粒已经熟到㶶咗，有d 入面仲生勾勾，有三分之一碟都系咁样。虽然话d
1.蒜蓉粉丝蒸虾
虾嘅大细大约系长洲三百蚊五碟小菜d 虾咁上下（即系同成人手指尾差唔多）。细都算数，好辛苦挑咗d 肉出嚟，原来d 虾系生嘅，结果大家不知情之下食咗半碟生虾。叫脑细埋嚟，佢只系拎咗剩返嘅虾去蒸，蒸到老晒再上返畀你。结果当晚我喺香车街个公街肚屙🤮如果你钟意食生虾，即时订位
2.黄金虾
虾嘅大细当然都系成人手指尾咁大，绝对可以癫覆你对黄金虾嘅想像。而且d 虾系唔多痴到d 咸蛋黄，所以我到底食紧d 咩？🤮
3.黄金鸡中翼
一上枱见大大只应该掂啦，点知，入面熟到烂（唔系夸张，d 肉已经系梅梅地）。我怀疑佢先蒸后炒/炸，完全过熟，其实我唔明一碟咁普通嘅小菜点样可以煮得咁难食。加埋d 鸡翼系垃圾级别，喺冻肉舖d 鸡翼仲靓过佢🤮
4.黑椒牛仔骨
哩个份量都还好，虽然旧旧都只系得连住旧骨𠮶少少肉。不过，一咬落去，成个口只系得d 松肉粉味，我连食紧牛定猪都分唔到...如果你唔知松肉粉系咩味，快d 订位试吓🤮
5.芥末牛柳粒
有d 牛柳粒已经熟到㶶咗，有d 入面仲生勾勾，有三分之一碟都系咁样。虽然话d 牛肉可以唔洗熟晒，但佢用d 牛咩质素你自己谂啦...🤮
6.豉椒炒蚬
壳多过肉就基本啦，加埋d 唔开口死蚬，应该唔超过20粒肉，结果大半碟都无人食。唔好谂住有20粒肉都唔错，只蚬连壳都系大约5毫子咁大，咁你估吓粒肉有几大啦吓🤮
7.大肠墨鱼胶
你又点估到粒胶系咸嘅呢？食完都唔知自己食紧乜🤮仲要得几粒
成餐饭最正常得一碟蚝、三碟菜，不过最后大家都饱晒，因为成肚都系气，永久blacklist 哩间餐厅，亦希望用我嘅经验去令大家唔好再中伏🤬
起初帮衬系见人话哩间黄店，姑且支持吓同路人，食完之后一肚气，不过令我更加激气系抬头见到d 选举宣传...😀
34 浏览
0 赞好
0 留言
张贴
