影片
更多
2022-05-13
1149 浏览
之前从未试过喺openrice打食评，但今次真系忍唔住！！！同屋企人去利宝阁（奥海城）分店食晚饭，叫咗个四人餐餐牌价钱系＄1,288，虽然当时晚市但得两三围客，叫极都无人落单。落单时问咗个餐系跟花胶鸡汤，但嚟到变咗猪肚汤，之后同个经理讲，佢就话俾番四碗细花胶鸡汤做补偿，但d汤好似味精水咁劲难饮，我同屋企人都饮唔落口（我屋企人已经系对食物已经系无乜要求嘅人😑）...之后龙虾伊面又劲难食，d龙虾系霉嘅，d伊面一patpat林晒，条鱼上枱劲细条，仲蒸到老哂鞋口嘅，都算！我同屋企人一路食大家都默默忍受咗...后尾个姜葱蚝劲耐都未嚟，问咗个女待应几次都叫我哋等阵，结果佢居然直接上糖水！我哋话d嘢食都未嚟齐点解上甜品，佢就话再去问下，后尾终于等到d蚝，结果系生嘅仲要系冻嘅（好似未解冻咁），一咬落口全是臭水我当堂想呕!🤬🤬我人生中真系从未食过咁难食嘅蚝！系完全食唔到落口嘅！劲嬲！价钱已经唔系问题，老人家叫我哋算，当唔好彩！结果埋单𠮶阵个餐＄1288（加两支啤酒），佢居然收我哋＄18xx，仲唔俾单我哋，后尾要求check单发现佢d单完全系乱打，仲要计埋个经理自己话送番俾我哋𠮶四小碗好劲难饮嘅鸡汤（二百
同屋企人去利宝阁（奥海城）分店食晚饭，叫咗个四人餐餐牌价钱系＄1,288，虽然当时晚市但得两三围客，叫极都无人落单。
落单时问咗个餐系跟花胶鸡汤，但嚟到变咗猪肚汤，之后同个经理讲，佢就话俾番四碗细花胶鸡汤做补偿，但d汤好似味精水咁劲难饮，我同屋企人都饮唔落口（我屋企人已经系对食物已经系无乜要求嘅人😑）...
之后龙虾伊面又劲难食，d龙虾系霉嘅，d伊面一patpat林晒，条鱼上枱劲细条，仲蒸到老哂鞋口嘅，都算！
我同屋企人一路食大家都默默忍受咗...
后尾个姜葱蚝劲耐都未嚟，问咗个女待应几次都叫我哋等阵，结果佢居然直接上糖水！我哋话d嘢食都未嚟齐点解上甜品，佢就话再去问下，后尾终于等到d蚝，结果系生嘅仲要系冻嘅（好似未解冻咁），一咬落口全是臭水我当堂想呕!🤬🤬我人生中真系从未食过咁难食嘅蚝！系完全食唔到落口嘅！劲嬲！
价钱已经唔系问题，老人家叫我哋算，当唔好彩！
结果埋单𠮶阵个餐＄1288（加两支啤酒），佢居然收我哋＄18xx，仲唔俾单我哋，后尾要求check单发现佢d单完全系乱打，仲要计埋个经理自己话送番俾我哋𠮶四小碗好劲难饮嘅鸡汤（二百几蚊）！d职员态度又劲差，自己收多咁多钱仲黑面，后尾我哋同佢续样对单同佢计，佢先退番4百几蚊俾我哋！
原本有返堂食谂住同屋企人开开心心食餐饭，结果一肚气，真系从未试过食饭食到咁嬲！
张贴