不要對我尖叫，日常茶間， (戲曲中心) (已結業)

呢间台湾艺人开嘅台式饮品店由中环开到尖沙咀，一开张嘅时候有好多人都推荐所以一见到就想试吓~~ 叫完嘢饮之后一如往常我就开始影吓相打下卡，见到店员已经系咁望住我跟住当我接过手上杯玫瑰奶茶嘅时候，突然间佢同我讲话因为我叫咗半甜所以冇咩甜味，建议我下次叫甜啲，𠮶阵时我已经觉得有啲奇怪点知饮落去好大浸玫瑰糖浆味，重点系完全冇茶味，都冇奶味，有啲似奶沟水。。 就算我叫咗全甜我都唔觉得会好好饮。。我自己不嬲饮珍珠奶茶都会叫半糖甚至走糖，都唔会有啲奶味或者茶味都冇。。严重怀疑佢咁样同我讲即系佢会加入大量糖或者奶精去掩盖冇茶味或者奶味嘅事实。。我觉得sharetea嘅奶茶半甜仲好饮啲，冇咩必要特登过嚟俾钱买。。