心夜來潮 (已搬遷) 新店位置

第一篇食评就要奉献给心夜来潮系Openrice见到咁多评，同成日经过有好多人食同要排队，以为系正野喇，点知......试过就算，不可再，完全唔明点解会有咁多好评啰话说当日7点前到，时间尚早，仲未需要排队，但室内位已坐满，而室外就迟迟未开，啲待应唔知系咪做野㗎，明明有几堆人系到等紧佢地摆枱，安排入坐，但佢冇讲明边个先边个后，等了15分钟，终于开好枱，可以入座了。叫咗''潮汕砂锅粥'' ($150起-细，$280起-大),配料可自由选择，而我叫咗大膏蟹($170只)，2份象拔蚌($30份)，1份蛏子($60份),满心期待个粥终于黎喇，一黎到呆咗，蟹睇落系几大既，但说好的膏蟹呢？一啲膏都冇，肉又唔多膏蟹变水蟹...叫咗2份象拔蚌，全锅粥得一只仔唔通1份等于半只仔咁就唔好用''份''作单位喇，好明显系误导消费者，蛏子既量都有4,5条既。讲真味道好一般啰，完全唔够味，用成$290海鲜去𤉶呢煲粥，连最基本既鲜味都冇，真系极度失望啰另外仲叫咗牙签鸡($26),锅烧肉($46),小米饺($20),手打牛丸($32),手打鱼丸($32),菜茶($42-大),酱卤鸭($68)。大部分小食都可接受既，份量细