南翔饅頭店 (已結業)

话说晏昼想食小笼包, 本身谂住去酒楼, 但一谂到要等位就不如攞左我条命佢。上OPENRICE揾, 见到有尼间野, 就行过去睇, 出奇地唔洗等位, 心谂唔通中左伏? 但都照入去睇下佢到底系咩料子。入到去坐底就有一碟酸菜同花生, 我面都青埋, 因为我真系好憎食酸菜。虽然佢地外表好似好得意咁, 但我系唔会中计, 而且去之前都有睇过下食评, 好似话虽然佢放系度好似系俾你食咁, 但系要收钱既, 我就马上叫人收番佢XD咁小食方面朋友就叫左个唔知咩野, 我见佢个样成个酸菜咁所以无食过, 俾张相大家睇下算。叫左个炒幼面, 但大家唔好俾佢既色泽而呃左, 系无味嫁。本身一样无咩配料既炒面, 系好讲求调味同埋炒既功夫, 但佢两样都个得唔好, 真系中伏。跟住就到必讲既小笼包, 正所谓有图有真相, 小笼包最重要系咩? 无错, 就系入面爆汁, 咬落去会漏汤, 但佢三个漏一个干咁算点? 我同个朋友边个食个干既? 不过从个干既睇, 佢地D皮都算薄, 尼一点都可以赞下既。最后讲埋个汤, 无味不解释, 都系饮水啦。