廿一前 (已結業)

本来约了朋友到荃湾饮茶，但见到大鸿辉中心下面有好多阿姐派传单，咪拎嚟睇吓，见到间廿一前放题好似几好，同埋系顶楼，个景应该唔错，咪谂住试吓，点知.....真心讲，如果环境坐系舒服，但野食就真心差，话就话放题，刺身自动嚟一船，入面10片都冇，又再自动嚟牛，猪，鸡火锅料，一盘所谓嘅海鲜，每样2件，跟住问佢呢啲野食系咪可以再叫，佢好正经咁答「牛，猪，鸡同我叫得喇，其他就冇喇」，xxxx张传单上面话系放题，咁你写牛猪鸡放题算啦，仲有出面自助嘅嘢食真系少到一个点，refill又慢，不过唔怪得佢哋嘅，成个场得3个人做嘢，仲要一个系出面登记𠮶个，有x人做嘢咩，最后试埋所谓嘅炸物，我叫6样有3样冇，午市就冇咁晚市点呀，啲炸野食左1，2件就唔想食，都系唔讲太多，一次中伏嘅经验啦，我就唔会再试喇，呢个只系我食过嘅意见，唔代表乜嘢，大家自行判断