十十川滬料理 (已結業)

今日lunch见呢间餐厅环境ok，又唔多人，谂住咪试吓。点知完全中晒伏。首先落单后，主食等咗好耐！本身我同男朋友唔赶时间，谂住都无咩所谓咪等吓。但系当我地等到主食嚟，只系上咗我男朋友叫嘅排骨担担面但争个排骨，职员话之后会上。咁我男朋友有啲肚饿谂住慢慢食住等，但食到可能都有一半啲排骨未嚟，我叫嘅酸菜鱼面都未嚟。第一次追职员，职员话等等好快上。过咗一阵我碗酸菜鱼面到啦，但男朋友嘅排骨都未到…… 咁我男朋友好无奈地继续食住啲面先，去到都差唔多食晒啲面我忍唔到去再追问职员，结果职员话仲炸紧要再等等，𠮶吓我真系著咗火但我都尽量保持自己嘅情况同佢地讲道理，啲面都上咗咁耐都食晒啦，排骨都未到，会唔会过分咗啲呀？职员都有道歉叫我地再等吓，好，咁再等吓啰。但之后啲排骨上枱我同男朋友都呆咗….啲排骨似系人地食完啲𩠌头𩠌尾咁，真系佛都有火，男朋友食咗一啖，系热嘅，但咁嘅模样叫人点食？之后佢都唔想再食同唔想再留喺餐厅，即刻埋单走人。下面有啲排骨上枱嘅相俾大家睇睇。