影片
更多
2021-10-03
218 浏览
中伏记.环境：装修一般，一地电线非常非常之嘈厕所一地都系水，餐牌menu 痴立立.服务：全场大约二十张枱，楼面只有四位侍应，另外有一位貌似经理嘅叔叔，同一位身穿便服嘅老板娘.食物：呢间餐厅名叫「麻神麻x火锅」，可惜不麻不辣.今日心血来潮想食麻辣火锅，原来想去海底x，打电话去，店员话必需等候二小时以上。.结果，去咗北京道 麻神麻x火锅。打电话问要唔要book位，店员回应话随时有枱。（原来唔使book系有理由嘅）.去到，发现𠮶栋商业大厦有两部电梯。.中伏位1: 原来只有其中一部电梯可以去到𠮶间餐厅，楼下完全冇标示，亦冇任何指引。.中伏位2: 坐低，冇侍应埋嚟，叫，亦冇人埋嚟，留意，当时店内只有三枱客人，并不是繁忙中。.终于，有一位身穿便服嘅女士埋嚟，问我要咩。.中伏位3: 坐低三十分钟仍未有任何菜上到.中伏位4: 终于，四十分钟之后，就只有一碟酸荞头味嘅菠萝，大约五件切片罐头菠萝咁多左右，及另外一碟大约有二十粒嘅淮盐花生。我第一次去，唔知道前菜要收费，原来咁细细碟要$40。.中伏位5: 所谓 麻辣火锅，只有咸味，不麻不辣，而且唔系一般咸。叫左鸳鸯锅底$228，另外一边叫昆布汤底，只见一片白
.
环境：装修一般，一地电线
非常非常之嘈
厕所一地都系水，餐牌menu 痴立立
.
服务：全场大约二十张枱，楼面只有四位侍应，另外有一位貌似经理嘅叔叔，同一位身穿便服嘅老板娘
.
食物：呢间餐厅名叫「麻神麻x火锅」，可惜不麻不辣
.
今日心血来潮想食麻辣火锅，原来想去海底x，打电话去，店员话必需等候二小时以上。
.
结果，去咗北京道 麻神麻x火锅。打电话问要唔要book位，店员回应话随时有枱。
（原来唔使book系有理由嘅）
.
去到，发现𠮶栋商业大厦有两部电梯。
.
中伏位1: 原来只有其中一部电梯可以去到𠮶间餐厅，楼下完全冇标示，亦冇任何指引。
.
中伏位2: 坐低，冇侍应埋嚟，叫，亦冇人埋嚟，留意，当时店内只有三枱客人，并不是繁忙中。
.
终于，有一位身穿便服嘅女士埋嚟，问我要咩。
.
中伏位3: 坐低三十分钟仍未有任何菜上到
.
中伏位4: 终于，四十分钟之后，就只有一碟酸荞头味嘅菠萝，大约五件切片罐头菠萝咁多左右，及另外一碟大约有二十粒嘅淮盐花生。我第一次去，唔知道前菜要收费，原来咁细细碟要$40。
.
中伏位5: 所谓 麻辣火锅，只有咸味，不麻不辣，而且唔系一般咸。叫左鸳鸯锅底$228，另外一边叫昆布汤底，只见一片白罗白，半片红罗白，乜嘢味都冇。
.
叫左 牛小排$238，花雕鸡子$118，黑栢业$88，猪粉肠$68，猪皮$42
.
中伏位6: 性价比坚差。
牛小排只有薄薄大约10-12片，牛味欠奉
花雕鸡子系雪藏货，冇酒味，冇鲜味，只有雪味，只有半个酒吧玻璃杯嘅份量
黑栢业，碎湿湿，只有雪味，完全冇咬口
猪粉肠，雪藏货，冇鲜味，只有雪味
猪皮共有十件，份量少到令人失望。
.
中伏位7: 环境非常之嘈杂
最主要系头先讲身穿便服嘅女士，坐低左响其中一枱大概有12位客人，谈笑风生，音量之高，令人侧目。
.
两个人去食，
埋单超过$1,000
.
绝对冇下次。
张贴