影片
更多
2024-10-24
506 浏览
虽然去之前都见有唔小劣评，但睇相又觉得唔系咁差姐，就决定试下佢个大闸蟹放题。点知。。同屋企人满心期待嘅大闸蟹放题变咗一次不快嘅经历。由于火炭分店无限时，所以就拣咗系火炭食。带位坐低后，已经出现无职员理嘅情况，叫左好耐先有人应下你。到有职员理你，又乜都无讲无介绍，你问一句佢答一句，虽然佢态度唔系差，但感觉已经唔系几好。突然另一位职员上左个鸡煲俾我地，呢个鸡煲可以话系我人生食过最难食，一d 都唔惹味，唯一可以话鸡件好大旧。我地一行四人一人食左一件已经唔想食，宁愿食其他野。咁就叫职员收走个鸡煲（因为餐厅要你食完鸡煲先可以转边炉，转咗就唔可以食返鸡煲）好啦到睇相几唔错嘅蒸海鲜，放题嚟讲味道可以接受，但好明显系用大量蒜头去遮盖海鲜嘅雪味，简单讲系食蒜蓉味，唔会难食但唔好期望有海鲜鲜味。讲返大闸蟹，每次只可以每人两只，食完先可以再order,order 后要等20分钟先见到d 蟹，重点系会出现漏单情况，对于一个任食嘅大闸蟹放题嚟讲，成件事系非常不爽。而d 蟹亦非常细只，三両都无嘅size,偶尔有一两只系坏咗嘅，然后你又要等20分钟，博佢唔好出只坏嘅蟹俾你。边炉更加不值一提，d 牛肉有骚味，完全入唔
虽然去之前都见有唔小劣评，但睇相又觉得唔系咁差姐，就决定试下佢个大闸蟹放题。
点知。。同屋企人满心期待嘅大闸蟹放题变咗一次不快嘅经历。
由于火炭分店无限时，所以就拣咗系火炭食。
带位坐低后，已经出现无职员理嘅情况，叫左好耐先有人应下你。
到有职员理你，又乜都无讲无介绍，你问一句佢答一句，虽然佢态度唔系差，但感觉已经唔系几好。突然另一位职员上左个鸡煲俾我地，呢个鸡煲可以话系我人生食过最难食，一d 都唔惹味，唯一可以话鸡件好大旧。我地一行四人一人食左一件已经唔想食，宁愿食其他野。咁就叫职员收走个鸡煲（因为餐厅要你食完鸡煲先可以转边炉，转咗就唔可以食返鸡煲）
好啦到睇相几唔错嘅蒸海鲜，放题嚟讲味道可以接受，但好明显系用大量蒜头去遮盖海鲜嘅雪味，简单讲系食蒜蓉味，唔会难食但唔好期望有海鲜鲜味。
讲返大闸蟹，每次只可以每人两只，食完先可以再order,order 后要等20分钟先见到d 蟹，重点系会出现漏单情况，对于一个任食嘅大闸蟹放题嚟讲，成件事系非常不爽。而d 蟹亦非常细只，三両都无嘅size,偶尔有一两只系坏咗嘅，然后你又要等20分钟，博佢唔好出只坏嘅蟹俾你。
边炉更加不值一提，d 牛肉有骚味，完全入唔到口，绝对明白放题不能要求过高，但呢个质素实在系有d 过份。
串烧部分反而系最入得口，虽然好明显唔系即烧，食物亦似系一大pack 业务用嘅出品，但起码味道正常。
餐厅环境亦唔太卫生，有个生晒诱望落好污糟嘅铁桶系枱俾你装蟹壳。进餐期间亦有蚊虫飞来飞去嘅情况，餐厅亦有阵臭噏味🙁🙁
食完呢餐饭，深深明白咗咩系照骗😢
......
埋单大约HKD5XX,接近HKD600 一位，实在令人食得气愤。
正如上述所讲，睇相食物系唔错，但我就绝对会劝朋友唔好试，真心大伏😣😣
张贴
