二兄車麵館

营业中

休息中

今日天气热唔想行太远，见呢间舖面几大，又自称出名车仔面，就入去试下，点知世纪难食，简直中伏。拣咗猪小姐+热奶茶，盛惠$69。猪小姐车仔面𩠌：全部系猪，包括猪红、猪皮、猪手、猪大肠、扎肉、贡丸)。猪红普通，猪皮白烚一大块无味，猪手系淋但唔入味亦食唔到有咩咁好味，猪大肠几旧仔薄切，正常无特别，扎肉同贡丸系来货无特别，啲𩠌无一样好味，但间舖仲自称驰名车仔面？面底：拣咗粗面，但面芯系硬，无渌透，入面仲有头发，跟住成碗面无食，饮几啖热奶茶埋单走人。饮品：拣热奶茶、选味浓，无茶味，太苦涩，茶底差，奶太多，大快活奶茶仲好过佢，一间茶餐厅连奶茶都咁差，永不回头。$69车仔面简直系垃圾，呢间舖竟然仲生存到真系奇迹，浪费我既钱同时间，明明大围有其他好食既，竟然中大伏，呢间衞生差到，面有头发，永不录用。