餃子園

营业中

休息中

第一次去，得我一枱，一枱啱啱走，无所谓啦，叫左碟羊肉饺$68十只，而家疫症期间，梗系浸下啲筷子、匙羹先啦，见佢一个拖紧地，一个收紧钱，咁我费事麻烦人，自己招呼自己，去门口个柜仔倒左半杯茶浸野，费事太浪费，原本叫左杯冻豆浆，见佢就咁放系门口个柜度，无雪住，我话要冻嘅，个老老地嘅伙记话啱啱攞出黎，但好明显摆左好耐嘅，跟住个高瘦戴眼镜嘅职员就走埋黎，你倒左山渣茶嗱，原来呢杯野盛惠$13，我问要钱架，我倒果时又唔讲，个壶又无写住，我话都浸左野，点饮，佢重话甜甜地好好味㖞，我真系想请佢饮左佢，就系咁，我用$80大元食左一个唔饱嘅水饺，佢重收少我一蚊咁大把，真系多谢晒，下次去嘅朋友真系要小心啦，反正我就以后唔会去，都未试过咁差嘅铺头。