影片
更多
2023-07-26
387 浏览
上网见到呢间餐厅D野食好似几吸引, 琴日放工就谂住再去试下, 去到工厦搭lift上到最顶层仲要行一层楼梯先到, 唔系咁方便, 同埋夜妈妈走嘅时候真系有少少恐怖😦🫣餐厅嘅环境布置好日系, 而座位全部都系梳化位, 不过梳化好矮, 坐得唔系咁舒服, 最重要系大热天时竟然冇冷气!!!! 🥵🥵🥵🥵🥵🥵🥵🥵🥵🥵我地叫左两款食物, 包括牛乳蟹脚锅同埋明太子蟹肉炒饭, 就咁睇个卖相真系几好嘅, 但真系得个样, 食物质素就唔系咁掂😓😓明太子蟹肉炒饭真系非常难食🤮🤮🤮货不对版😑😑个餐牌显示系有两条辣椒, 谂住食落系会辣辣地, 但食落唔单止冇辣味, 仲要完全冇明太子味, 蟹肉又少, 个炒饭入面D蛋炒到㶶左, 谂住佢系日式嘅炒饭, 但间餐厅炒到好似茶记D碟头饭咁, 都唔知自己食紧乜, 呢个咁垃圾嘅炒饭竟然要118蚊, 仲要加一, 劲唔抵☹️☹️☹️我见另外两枱都叫左呢个饭, 走嘅时候仲有半碟食剩左🤭🤭🤭另一个系牛乳蟹脚锅, 入面D蟹脚配埋个汤系好鲜甜好夹, 不过其他蔬菜配料唔系咁新鲜, 但整体都OK, 可以接受啦🙂成餐饭食到成肚气, 最后拿拿临食完快D走人, 又贵又唔好食, 由头热到落尾, 攞埋风扇仔出嚟吹住自己都
餐厅嘅环境布置好日系, 而座位全部都系梳化位, 不过梳化好矮, 坐得唔系咁舒服, 最重要系大热天时竟然冇冷气!!!! 🥵🥵🥵🥵🥵🥵🥵🥵🥵🥵
我地叫左两款食物, 包括牛乳蟹脚锅同埋明太子蟹肉炒饭, 就咁睇个卖相真系几好嘅, 但真系得个样, 食物质素就唔系咁掂😓😓
明太子蟹肉炒饭真系非常难食🤮🤮🤮货不对版😑😑个餐牌显示系有两条辣椒, 谂住食落系会辣辣地, 但食落唔单止冇辣味, 仲要完全冇明太子味, 蟹肉又少, 个炒饭入面D蛋炒到㶶左, 谂住佢系日式嘅炒饭, 但间餐厅炒到好似茶记D碟头饭咁,
都唔知自己食紧乜, 呢个咁垃圾嘅炒饭竟然要118蚊, 仲要加一, 劲唔抵☹️☹️☹️
我见另外两枱都叫左呢个饭, 走嘅时候仲有半碟食剩左🤭🤭🤭
另一个系牛乳蟹脚锅, 入面D蟹脚配埋个汤系好鲜甜好夹, 不过其他蔬菜配料唔系咁新鲜, 但整体都OK, 可以接受啦🙂
成餐饭食到成肚气, 最后拿拿临食完快D走人, 又贵又唔好食, 由头热到落尾, 攞埋风扇仔出嚟吹住自己都仲系出晒汗, 去到楼下大堂等lift个度仲凉过间餐厅🙄🙄
结论: 为免大家好似我地咁贴钱买难受, 希望大家唔好帮衬呢间餐厅, 因为仲有更多更好嘅选择😉
张贴
