影片
更多
2023-10-29
3011 浏览
之前朋友黎过呢到食觉得几好，今次约左几个朋友去试下。电话book位后有员工whatsapp联络并比个menu（pdf）我，提我「私房菜」要提早预约。提早预约了金瓜奶油会开边龙虾/糯米鸡翼/盐焗奄仔蟹（各两只）及泰式濑尿虾六只，全部菜式在员工提供的menu都系明码实价。到场后嘢食都好味，另外叫左胡椒猪肚鸡汤都好好味。因为之前已经预订左私房菜的菜式，所以当日并没有再特别查看餐厅内放置的菜牌菜式嘅价钱，呢个系其中一个失策位😫到埋单嘅时候，都无特别发现，当时只睇下数量啱唔啱，出门口后同朋友讲，哇个龙虾都好贵下要7百几，大家先发现有古怪即刻睇单再对返员工sent的menu。基本上所有海鲜价钱都同佢地sent的menu唔一样，最过分系龙虾，menu $188/只，现场收$388/只。入去问返侍应，得到嘅回覆居然系：menu嘅价钱系错；太难改所以无改到；个龙虾好靓架系「花龙」出面都好贵架；而家我地改哂餐牌海鲜系时价架啦啊系啊whatsapp唔记得通知你sent比妳个餐牌价钱唔啱㗎；我地唔会呃人架（下删三百字）系咁可以全程都无再讲价钱，如果系时价whatsapp同我覆单预订咩菜式数量比我个阵都只字不提
电话book位后有员工whatsapp联络并比个menu（pdf）我，提我「私房菜」要提早预约。提早预约了金瓜奶油会开边龙虾/糯米鸡翼/盐焗奄仔蟹（各两只）及泰式濑尿虾六只，全部菜式在员工提供的menu都系明码实价。
到场后嘢食都好味，另外叫左胡椒猪肚鸡汤都好好味。
因为之前已经预订左私房菜的菜式，所以当日并没有再特别查看餐厅内放置的菜牌菜式嘅价钱，呢个系其中一个失策位😫
到埋单嘅时候，都无特别发现，当时只睇下数量啱唔啱，出门口后同朋友讲，哇个龙虾都好贵下要7百几，大家先发现有古怪即刻睇单再对返员工sent的menu。
基本上所有海鲜价钱都同佢地sent的menu唔一样，最过分系龙虾，menu $188/只，现场收$388/只。
入去问返侍应，得到嘅回覆居然系：menu嘅价钱系错；太难改所以无改到；个龙虾好靓架系「花龙」出面都好贵架；而家我地改哂餐牌海鲜系时价架啦啊系啊whatsapp唔记得通知你sent比妳个餐牌价钱唔啱㗎；我地唔会呃人架（下删三百字）
系咁可以全程都无再讲价钱，如果系时价whatsapp同我覆单预订咩菜式数量比我个阵都只字不提？
？！黑人问号。但我同朋友都唔知可以点当场发难，单又签左，无奈，剩系可以上黎讲，提醒大家小心。
张贴
