汀汀烤活魚 (已結業)

之前见佢执左咁多间都觉得唔对路，但无谂过真系伏成到呢个程度，由一开叫煲已经开始闻到伏味，生既野食黎哂先，但个烤鱼都可以仲未到，然后问个侍应，佢又唔系好在意咁，求其应下就算。.然后系啲碗碟，杯水可以见有层油系面，而且仲要其中一只碗痴住咗上一家既野食，卫生程度认真麻麻地。.等左20分钟，终于见到个煲有得食，烤鱼质素麻麻，唔太新鲜，鱼都有少少腥味，其他叫既野食都麻麻地，无乜地方真系赞得落手。.去到尾段觉得食得唔系好够饱，所以叫左两碟串烧，但等左成20分钟都未到，之后我地都好有礼貌问个待应点解叫左未到，然后佢走左去厨房check完就无左件事，过程中无同我地讲原因，之后我地见等左10分钟都系无反应，之后去左问另一个态度好啲既待应，问佢系咪漏咗单如果系就算数，啲野食唔要了。之后佢话整紧要啲时候，五分钟后应该有得食。.食完哂野，准备切蛋糕，我地事先比左切饼费50费，但个待应执枱系执到枱面仲有好多食物残渣，最尾要我地自己清理好枱面先切蛋糕。.最后发现埋单都贵，人均差唔多成300几蚊，食物质素中下，份量唔多，服务态度又欠佳，呢间野真系无下次。