楓 (已結業)

系OpenRice见到咁多好评就去试下，点知中晒伏，先唔讲佢好唔好食，第一，等餐时间好耐，等咗30分钟先逐个人出餐，你无睇错啊系逐个人出餐。。。第二，佢个+1服务费，并唔系餐牌价钱嘅+1，我系食午市嘅，原价79蚊嘅鸡扒蕃茄汤乌冬，午市价钱49，但+1服务费并唔系用$49𠮶个计数，而系用79原价价钱去计😀虽然系差个几蚊，但系个计法都好有问题，而且我唔觉得佢有啲乜嘢service系值得俾个加一服务，一入到去系冇人招呼，连Menu都冇，然后冇水又冇人帮手加，又要等咁耐先有得食😀真系等到一肚火到讲嘢食，我叫咗个芝麻豆乳同蕃茄鸡扒乌冬，个芝麻豆乳还好，个鸡扒都系好食嘅，但个蕃茄汤底杰到唔知食紧咩😅一Pat野咁呢间真系唔系好掂，厕所又无个，最近都要走到去洗衣街花园公共厕所😐